അഭിമുഖം

പൂജപ്പുര സ്ത്രീകളുടേയും കുട്ടികളുടേയും സര്‍ക്കാര്‍ ആയുര്‍വേദ കോളേജില്‍ വിവിധ തസ്തികകളില്‍ കരാര്‍ അടിസ്ഥാനത്തില്‍ നിയമനം നടത്തുന്നതിനായി അഭിമുഖം നടത്തുന്നു.

സ്പീച്ച് തെറാപ്പിസ്റ്റ് (യോഗ്യത- ബാച്ചിലര്‍ ഓഫ് ഓഡിയോളജി ആന്‍ഡ് സ്പീച്ച് ലാംഗ്വേജ് പാത്തോളജി), റെമഡിയല്‍ എഡ്യൂകേറ്റര്‍ (യോഗ്യത- ഡിപ്ലോമ ഇന്‍ ഏര്‍ളി ചൈല്‍ഡ്ഹുഡ് സ്‌പെഷല്‍ എഡ്യൂക്കേഷന്‍ / ഡി.എഡ് സ്‌പെഷല്‍ എഡ്യൂക്കേഷന്‍ -ഓട്ടിസം സ്‌പെക്ട്രം ഡിസോര്‍ഡര്‍ / ഹിയറിംഗ് ഇംപയേര്‍ഡ്/ ഇന്റലക്ച്വല്‍ ഡിസെബിലിറ്റി), സൈക്കോതെറാപ്പിസ്റ്റ് (യോഗ്യത - എം.എസ്.സി സൈക്കോളജി/ എം.എസ്.സി അപ്ലൈഡ് സൈക്കോളജി/ ക്ലിനിക്കല്‍ സൈക്കോളജി) എന്നീ ഒഴിവുകളിലാണ് നിയമനം നടത്തുന്നത്.

18 മുതല്‍ 36 വയസുവരെയാണ് പ്രായപരിധി. എസ്.സി/എസ്.ടി മറ്റ് പിന്നോക്ക വിഭാഗങ്ങളിലെ ഉദ്യോഗാര്‍ഥികള്‍ക്ക് നിയമാനുസൃതമായ ഇളവ് ലഭിക്കും. താത്പര്യമുള്ളവര്‍ വിദ്യാഭ്യാസ യോഗ്യത, പ്രവര്‍ത്തിപരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകര്‍പ്പുകളും ബയോഡാറ്റയും സഹിതം മാര്‍ച്ച് 28ന് രാവിലെ 10ന് ആശുപത്രിയില്‍ നടക്കുന്ന അഭിമുഖത്തില്‍ പങ്കെടുക്കണമെന്ന് സൂപ്രണ്ട് അറിയിച്ചു.