ഇ.പി.എഫ്.ഒ അദാലത്ത്

കൊല്ലം എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷന്‍ മേഖലാ കാര്യാലയത്തിന്റെ ആഭിമുഖ്യത്തില്‍ മാര്‍ച്ച് 27 രാവിലെ ഒമ്പത് മുതല്‍ ഉച്ചക്ക് ഒന്ന് വരെ നിധി ആപ്‌കെ നികട് അദാലത്ത് സംഘടിപ്പിക്കും. ഇ.പി.എഫ്.ഒയും ഇ.എസ്.ഐ.സിയും ചേര്‍ന്ന് കോയിവിള പുത്തന്‍സങ്കേതം വി സിക്സ് ഗാര്‍മന്റ്‌സിലാണ് നടത്തുന്നത്.  തൊഴിലുടമകള്‍, പി.എഫ് അംഗങ്ങള്‍, പി.എഫ് പെന്‍ഷന്‍ വാങ്ങുന്നവര്‍ എന്നിവരുടെ പരാതികള്‍ പരിഗണിക്കും.  പി.എഫില്‍ പുതുതായി രജിസ്റ്റര്‍ ചെയ്ത സ്ഥാപനങ്ങള്‍ക്കുള്ള നിര്‍ദേശങ്ങളും ഇ.പി.എഫ്.ഒയുടെ പുതിയ പദ്ധതികളെകുറിച്ചുള്ള വിവരങ്ങളും ലഭ്യമാകും. ഫോണ്‍: 0474 2767645, 2751872.