Post Category
റോഡ് നാടിന് സമര്‍പ്പിച്ചു
ആന്റണി ജോണ്‍ എം.എല്‍.എയുടെ ആസ്തി വികസന ഫണ്ടില്‍ നിന്നും 12 ലക്ഷം രൂപ ചെലവഴിച്ച് നിര്‍മ്മിച്ച മഹിമപ്പടി അംഗന്‍വാടി 90 സെന്റ് റോഡ് നാടിനു സമര്‍പ്പിച്ചു. കവളങ്ങാട് ഗ്രാമപഞ്ചായത്തിലെ ഒമ്പതാം വാര്‍ഡിലാണ് റോഡ് ഒരുക്കിയിരിക്കുന്നത്.
ഈ വാര്‍ഡിലെ ഏറ്റവും പ്രധാനപ്പെട്ടതും, പ്രദേശത്തെ നേര്യമംഗലവുമായി ബന്ധിപ്പിക്കുന്ന സമാന്തര പാതയും കൂടിയാണ് ഈ റോഡ്. പദ്ധതി യാഥാര്‍ത്ഥ്യമായതോടെ കാലങ്ങളായുള്ള പദേശവാസികളുടെ ആവശ്യത്തിനാണ് പരിഹാരം ഉണ്ടായത്.
റോഡിന്റെ ഉദ്ഘാടനം ആന്റണി ജോണ്‍ എം.എല്‍.എ നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് സിബി മാത്യു അധ്യക്ഷത വഹിച്ചു. മറ്റ് ജനപ്രതിനിധികള്‍, വിവിധ രാഷ്ട്രീയ കക്ഷി പ്രതിനിധികള്‍, പ്രദേശവാസികള്‍ തുടങ്ങിയവര്‍ ചടങ്ങില്‍ പങ്കെടുത്തു.
date
- Log in to post comments