ഹോസ്റ്റൽ പ്രവേശനം

പട്ടികജാതി വികസന വകുപ്പിനു കീഴിൽ അഴീക്കോട് പ്രവർത്തിക്കുന്ന പെൺകുട്ടികളുടെ പ്രീമെട്രിക് ഹോസ്റ്റൽ പ്രവേശനത്തിന് അപേക്ഷ ക്ഷണിച്ചു. അഞ്ച് മുതൽ പത്താം ക്ലാസ്സ് വരെയുള്ള പട്ടികജാതി വിഭാഗത്തിലെ കുട്ടികൾക്ക് അപേക്ഷിക്കാം. പട്ടികജാതിക്കാരുടെ അഭാവത്തിൽ പട്ടികവർഗക്കാരെയും പരിഗണിക്കും. സൗജന്യ താമസം, ഭക്ഷണം, രാത്രികാല പഠന മേൽനോട്ടത്തിന് റസിഡന്റ് ട്യൂട്ടർ സേവനം എന്നിവയോടൊപ്പം പ്രതിമാസ പോക്കറ്റ് മണി, മറ്റ് അലവൻസുകൾ, യൂണിഫോം, നൈറ്റ് ഡ്രസ്സ് എന്നിവയും ലഭിക്കും. ജാതി സർട്ടിഫിക്കറ്റ്, അവസാനം പഠിച്ച സ്‌കൂളിലെ പ്രധാന അധ്യാപകന്റെ സാക്ഷ്യപത്രം എന്നിവ സഹിതം മെയ് 25 വരെ അപേക്ഷിക്കാം. ഫോൺ: 9744365963, 9188920086