പുൽപ്പക്കരി വെറ്ററിനറി സബ് സെന്റർ മന്ത്രി ഡോ. ആർ ബിന്ദു ഉദ്ഘാടനം ചെയ്തു

കൂടാളി ഗ്രാമപഞ്ചായത്തിന്റെ 2024-25 വാർഷിക പദ്ധതിയിൽ ഉൾപ്പെടുത്തി പണി പൂർത്തിയാക്കിയ വെറ്ററിനറി സബ് സെന്റർ സംസ്ഥാന ഉന്നത വിദ്യാഭ്യാസ, സാമൂഹ്യ ക്ഷേമ വകുപ്പ് മന്ത്രി ഡോ. ആർ ബിന്ദു ഉദ്ഘാടനം ചെയ്തു. കൂടാളി ഗ്രാമപഞ്ചായത്തിലെ കൊടോളിപ്രം വാർഡിലെ പുൽപ്പക്കരിയിലാണ് പുതിയ കെട്ടിടം. ഏറെക്കാലമായി വാടക കെട്ടിടത്തിലായിരുന്നു പ്രവർത്തനം. ജില്ലാ മൃഗസംരക്ഷണ വകുപ്പ് ഓഫീസർ ഒ.എം അജിത വിശിഷ്ടാതിഥിയായി. കൂടാളി പഞ്ചായത്ത് പ്രസിഡന്റ് പി.കെ ഷൈമ അധ്യക്ഷയായി. കൂടാളി ഗ്രാമപഞ്ചായത്ത് എഇ എ.പി അനിൽ കുമാർ റിപ്പോർട്ട് അവതരിപ്പിച്ചു.  ഇരിട്ടി ബ്ലോക്ക് പഞ്ചായത്ത് പ്രസിഡന്റ് കെ വേലായുധൻ, ഇരിട്ടി ബ്ലോക്ക് പഞ്ചായത്ത് മെമ്പർ കെ.സി രാജശ്രീ, കൂടാളി ഗ്രാമപഞ്ചായത്ത് വൈസ് പ്രസിഡന്റ് പി പത്മനാഭൻ, ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്‌സൺ എം വസന്ത ടീച്ചർ, ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ പി.സി ശ്രീകല ടീച്ചർ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്‌സൺ കെ ദിവാകരൻ, പഞ്ചായത്ത് വെറ്ററിനറി ഡോക്ടർ എസ് മഗേഷ് തുടങ്ങിയവർ സംസാരിച്ചു.