അതിര്‍ത്തി ഗ്രാമങ്ങള്‍ അടുത്തറിയാന്‍ അവസരം

രാജ്യത്തിന്റെ വിവിധഭാഗങ്ങളിലുള്ള യുവതിയുവാക്കള്‍ക്ക് ലേഹ്, ലഡാക്ക്, ഹിമാചല്‍ പ്രദേശ്, ഉത്തരാഖണ്ഡ് സംസ്ഥാനങ്ങളിലെ അതിര്‍ത്തിഗ്രാമങ്ങളില്‍ 10 ദിവസം താമസിച്ചുപഠിക്കാനും, സേവനപ്രവര്‍ത്തനങ്ങള്‍ക്കും അവസരം. യുവജനകാര്യം, ഗ്രാമ വികസനം, സാംസ്‌കാരിക വിനിമയം, സാമൂഹ്യ സേവന മേഖലകളില്‍ പ്രവര്‍ത്തിക്കാന്‍ താത്പര്യമുള്ള ശാരീരിക ക്ഷമതയുള്ളവര്‍ക്ക്  പങ്കെടുക്കാം. പ്രായപരിധി: 21 - 29 വയസ്.
  നെഹ്റു യുവ കേന്ദ്ര, യൂത്ത് ക്ലബ് അംഗങ്ങള്‍, എസ് എസ്, എന്‍ സി സി, സൗക്ട് ആന്‍ഡ് ഗൈഡ്‌സ് വോളന്റീര്‍മാര്‍ക്ക് മുന്‍ഗണന. മേരാ യുവ ഭാരത് പോര്‍ട്ടലില്‍  മെയ് മൂന്നിനകം  രജിസ്റ്റര്‍ ചെയ്യണം. മെയ് 15 മുതല്‍  30 വരെയുള്ള പരിപാടിയില്‍ കേരളത്തില്‍ നിന്ന് 15 പേര്‍ക്കും ലക്ഷദ്വീപില്‍ നിന്നും 10 പേര്‍ക്കുമാണ് അവസരം. ഫോണ്‍ :7558892580.