നിയമ ലംഘനം നടത്തിയ വാഹനങ്ങൾക്ക് പിഴ

വാഹന പരിശോധനയിൽ പെർമിറ്റിൽ അനുവദിച്ച സ്ഥലം മാറി പാർക്ക് ചെയ്ത മൂന്ന് ഓട്ടോറിക്ഷകളും നികുതി, ഫിറ്റ്നസ്, പെർമിറ്റ് ഇല്ലാതെ സർവീസ് നടത്തിയ രണ്ട് ഓട്ടോറിക്ഷകളും അനധികൃത ലൈറ്റ് ഘടിപ്പിച്ച ഒരു ഓട്ടോറിക്ഷയും കണ്ടെത്തി 13,500 രൂപ പിഴ ചുമത്തി. നഗരത്തിൽ കാൽനട യാത്രക്കാർക്കും മറ്റ് വാഹന ഉപയോക്താക്കൾക്കും ബുദ്ധിമുട്ടാകുന്ന തരത്തിൽ പാർക്ക് ചെയ്ത വാഹനങ്ങൾക്കെതിരെയും നടപടി സ്വീകരിച്ചു. നഗരപരിധിയിലെ ഓട്ടോറിക്ഷകളുടെയും മറ്റ് വാഹനങ്ങളുടെയും അനധികൃത പാർക്കിംഗ്, സർവീസ് എന്നിവ സംബന്ധിച്ച് വ്യാപകമായി പരാതി ഉയർന്ന സാഹചര്യത്തിൽ തുടർ ദിവസങ്ങളിലും വാഹന പരിശോധന ശക്തമാക്കുഒ. കുറ്റക്കാർക്കെതിരെ കർശന നടപടികൾ സ്വീകരിക്കുമെന്നും കുറ്റം ആവർത്തിക്കുന്നത് ശ്രദ്ധയിൽപ്പെട്ടാൽ പെർമിറ്റ്, ഡ്രൈവറുടെ ലൈസൻസ് റദ്ദ് ചെയ്യുന്നതുൾപ്പെടെയുള്ള നടപടികളിലേക്ക് കടക്കുമെന്നും ആർടിഒ ഇ.എസ് ഉണ്ണിക്കൃഷ്ണൻ അറിയിച്ചു.