Post Category
മത്സ്യത്തൊഴിലാളികളുടെ ക്ഷേമം സംബന്ധിച്ച നിയമസഭാ സമിതി 19 ന് ജില്ലയിൽ
മത്സ്യത്തൊഴിലാളികളുടെയും അനുബന്ധ തൊഴിലാളികളുടെയും ക്ഷേമം സംബന്ധിച്ച സമിതി മേയ് 19 ന് രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. സമിതി ഉള്‍നാടന്‍ മത്സ്യബന്ധന മേഖല നേരിടുന്ന പ്രശ്‌നങ്ങളെക്കുറിച്ചും വേമ്പനാട്ടു കായല്‍ ഉള്‍പ്പെടെയുള്ള ഉള്‍നാടന്‍ ജലാശയങ്ങളിലെ മാലിന്യ പ്രശ്‌നം സംബന്ധിച്ചും ബന്ധപ്പെട്ട ജില്ലാതല ഉദ്യോഗസ്ഥരുമായി ചര്‍ച്ച നടത്തും. കൂടാതെ ജില്ലയില്‍ നിന്ന് സമിതിക്ക് ലഭിച്ച ഹര്‍ജികളിന്മേല്‍ തെളിവെടുപ്പ് നടത്തുകയും മത്സ്യ അനുബന്ധത്തൊഴിലാളികളില്‍ നിന്നും ഈ മേഖലയില്‍ പ്രവര്‍ത്തിക്കുന്ന വ്യക്തികൾ, സന്നദ്ധ സംഘടനകൾ തുടങ്ങിയവരിൽ നിന്നും പരാതികള്‍ സ്വീകരിക്കും.
(പിആർ/എഎൽപി/1376)
date
- Log in to post comments