മേളയിലുണ്ട് എ ഐ അധ്യാപിക

എന്റെ കേരളം പ്രദര്‍ശന വിപണന മേളയോട് അനുബന്ധിച്ച് ഭാവിയെ മുന്നില്‍ കണ്ടുകൊണ്ടുള്ള സ്റ്റാര്‍ട്ടപ്പ് മിഷന്റെ സംരംഭക സ്റ്റാള്‍ ശ്രദ്ധേയമാകുന്നു. വിദ്യാഭാസ രംഗത്ത് കുട്ടികളുടെ ഇന്ററാക്ടീവ് ലേര്‍ണിംഗിനുള്ള 'എ ഐ ടീച്ചര്‍', ഓട്ടിസം ബാധിതരായ കുട്ടികളുടെ പഠന മികവിനായുള്ള എ.ആര്‍, വി.ആര്‍ സംവിധാനം എന്നിവ ഭാവിയുടെ  നേര്‍ക്കാഴ്ചയാണ്.

കാര്‍ഷിക വിപണിയെ മുന്നോട്ട് നയിക്കാന്‍ പ്രാപ്തമായ സംരംഭക ആശയമായ ഡ്രോണ്‍ ഫെര്‍ട്ടിലൈസറും ഈ സ്റ്റാളില്‍ സന്ദര്‍ശകര്‍ക്ക് കാണാന്‍ സാധിക്കും.

മാന്‍ഹോള്‍ വൃത്തിയാക്കല്‍ പോലെ അപകടകരമായ തൊഴിലുകളില്‍ നിന്ന് മനുഷ്യരെ മോചിപ്പിച്ച് പകരം റോബോട്ടിക്‌സ് സംവിധാനം സജ്ജമാക്കാനുള്ള ഭാവി പ്രതീക്ഷയും സ്റ്റാളില്‍ നിന്ന്  ലഭിക്കുന്നു. ഇത് കൂടാതെ ഹോളോഗ്രാം സംവിധാനം ഉപയോഗിച്ചുള്ള കണ്ടന്റ് ഡിസ്‌പ്ലേയും  സ്റ്റാളിന്റെ പ്രത്യേകതയാണ്.