കൊച്ചി വഴി 1436 തീർത്ഥാടകർ വിശുദ്ധ മക്കയിലെത്തി.

കൊച്ചി എംബാർക്കേഷൻ പോയിന്റ് വഴി ഇത് വരെ അഞ്ച് വിമാനങ്ങളിലായി 1436 തീർത്ഥാടകർ പുണ്യ ഭൂമിയിലെത്തി. ഇതിൽ 444 പേർ പുരുഷന്മാരും 992 പേർ വനിതാ തീർത്ഥാടകരുമാണ്. അഞ്ച് വിമാനങ്ങളിൽ ശനിയാഴ്ച രാത്രി പുറപ്പെട്ട വിമാനത്തിലും ഞായറാഴ്ച രാവിലെ പുറപ്പെട്ട വിമാനത്തിലും വനിതാ തീർത്ഥാടകർ (572) മാത്രമാണ് യാത്രയായത്. വനിതാ തീർത്ഥടർക്കു മാത്രമായുള്ള അവസാനത്തെ വിമാനം ഇരുപത്തിയൊന്നിന് രാവിലെ 11.30 ന് പുറപ്പെടും. മൂന്ന് വിമാനങ്ങളാണ് വനിതകൾക്ക് മാത്രമായി കൊച്ചിയിൽ നിന്നും ഷെഡ്യൂൾ ചെയ്തിട്ടുള്ളത്.

ഇന്ന് ഞായറാഴ്ച വൈകുന്നേരം 3.27 ന് പുറപ്പെട്ട എസ്.വി 3063 നമ്പർ വിമാനത്തിൽ 152 പുരുഷന്മാരും 137 സ്ത്രീകളുമാണ് യാത്രയായത്.  

നാളെ തിങ്കളാഴ്ച ഒരു വിമാനമാണുള്ളത്. ഇതിൽ 284 പേരാണ് യാത്രയാവുക. 

അതേ സമയം ലക്ഷദ്വീപിൽ നിന്നുള്ള തീർത്ഥാടക സംഗം നാളെ തിങ്കളാഴ്ച ഹജ്ജ് ക്യാമ്പിലെത്തും. ചൊവ്വാഴ്ച രാത്രി 8.20 ന് പുറപ്പെടുന്ന എസ്. വി 3067 നമ്പർ വിമാനത്തിലാണ് ഇവർ യാത്രയാവുക. 58 പുരുഷന്മാരും 54 സ്ത്രീകളും അടക്കം 112 പേരാണ് ലക്ഷദ്വീപിൽ നിന്നുള്ളത്. ഇവരുടെ സേവനത്തിനായി ഒരു ഹജ്ജ് ഇൻസ്പെക്ടറും ഉണ്ട്. ലക്ഷ്വദീപിൽ നിന്നുള്ള സംഘത്തെ ഹജ്ജ് കമ്മിറ്റിയുടേയും സംഘാടക സമിതിയുടേയും നേതൃത്വത്തിൽ ക്യാമ്പിൽ സ്വീകരിക്കും.