ഐസിസിസി 2025 അന്താരാഷ്ട്ര കോൺഫറൻസ് 23 ന്

കൺട്രോൾ, കമ്മ്യൂണിക്കേഷൻ, കമ്പ്യൂട്ടിംഗ് എന്നിവയെക്കുറിച്ചുള്ള ആറാമത് അന്താരാഷ്ട്ര കോൺഫറൻസ് (ICCC 2025) 23 മുതൽ 25 വരെ തിരുവനന്തപുരം കോളേജ് ഓഫ് എഞ്ചിനീയറിങ്ങിൽ നടക്കും. ഔദ്യോഗിക ഉദ്ഘാടനം 24 ന് രാവിലെ 9:30 ന് പൊതുവിദ്യാഭ്യാസ വകുപ്പ് മന്ത്രി ഡോ. ആർ ബിന്ദു നിർവഹിക്കും.   കടകംപള്ളി സുരേന്ദ്രൻ എം എൽ എ അധ്യക്ഷത വഹിക്കുന്ന ചടങ്ങിൽ സാങ്കേതിക വിദ്യാഭ്യാസ ഡയറക്ടർ പ്രൊഫ. ഷാലിജ്, IEEE കേരള ചാപ്റ്റർ ചെയർമാൻ പ്രൊഫ. മനോജ് തുടങ്ങിയവർ പങ്കെടുക്കും. സാങ്കേതിക സെഷനിൽ ജപ്പാൻ യാഹൂവിലെ സീനിയർ റിസർച്ചർ ഡോ. അഖികോ കെൻ സുഗിയാമ , വി എസ് എസ് സി സ്‌പേസ് ട്രാൻസ്പോർട്ടേഷൻ സിസ്റ്റം ഡയറക്ടർ ഡോ. യു പി  രാജീവ്, ഹിറ്റാച്ചി എനർജി സീനിയർ വൈസ് പ്രസിഡന്റ് എസ് സജി എന്നിവർ മുഖ്യ പ്രഭാഷണം നടത്തും.

 പി.എൻ.എക്സ് 2197/2025