തുറവൂർ താലൂക്ക് ആശുപത്രി കോൺഫറൻസ് ഹാൾ നിർമാണത്തിന് തുടക്കം

തുറവൂർ താലൂക്ക് ആശുപത്രിയിലെ ആധുനിക കോൺഫറൻസ് ഹാൾ  നിർമ്മാണത്തിന് തുടക്കമായി. ആശുപത്രി അങ്കണത്തിൽ നടന്ന ചടങ്ങിൽ ദലീമ എംഎൽഎ നിർമ്മാണോദ്ഘാടനം നിർവഹിച്ചു. ദലീമ എംഎൽഎയുടെ ആസ്തി വികസന ഫണ്ടിൽ നിന്ന് 50 ലക്ഷം രൂപ ചെലവഴിച്ചാണ് ഹാൾ നിർമ്മിക്കുന്നത്. ചടങ്ങിൽ പട്ടണക്കാട് ബ്ലോക്ക് പഞ്ചായത്ത് പ്രസിഡൻ്റ് മേരി ടെൽഷ്യ അധ്യക്ഷയായി. ബ്ലോക്ക് പഞ്ചായത്ത് വൈസ് പ്രസിഡൻ്റ് ആർ ജീവൻ, സ്ഥിരംസമിതി അധ്യക്ഷരായ ജയ പ്രതാപൻ, വി കെ സാബു, ബ്ലോക്ക് പഞ്ചായത്തംഗങ്ങളായ യു അനീഷ്, ലത ശശിധരൻ, എൽഎസ്ജിഡി എക്സിക്യൂട്ടീവ് എഞ്ചിനീയർ ഇ ജിനേഷ്, എച്ച് എം സി അംഗങ്ങളായ പി ഡി രമേശൻ, ജോമോൻ കോട്ടുപ്പള്ളി, ബെന്നി വേലിശ്ശേരി, പി സലിംകുമാർ, മെഡിക്കൽ ഓഫീസർ ഡോ. ജോയ്, ഹെൽത്ത് സൂപ്രണ്ട് രാജി തുടങ്ങിയവർ പങ്കെടുത്തു.
(പിആർ/എഎൽപി/1486)