വുഡ് വര്‍ക്ക് ടെക്‌നീഷ്യന്‍ ട്രേഡ് കോഴ്‌സ്

പട്ടികജാതിവികസന വകുപ്പിന് കീഴില്‍ പ്രവര്‍ത്തിക്കുന്ന കൊടുങ്ങല്ലൂര്‍, പുല്ലൂറ്റ് ഗവ. ഐ.ടി.ഐയില്‍ എന്‍.സി.വി.ടി അഫിലിയേഷനുള്ള ഒരു വര്‍ഷ വുഡ് വര്‍ക്ക് ടെക്‌നീഷ്യന്‍ ട്രേഡ് കോഴ്‌സിലേക്ക് അപേക്ഷ ക്ഷണിച്ചു. പത്താം ക്ലാസ് ജയിച്ചവര്‍ക്കും തോറ്റവര്‍ക്കും അപേക്ഷിക്കാം. സീറ്റുകള്‍ 80 ശതമാനം പട്ടികജാതി വിഭാഗത്തില്‍പ്പെട്ടവര്‍ക്കും 10 ശതമാനം വീതം പട്ടികവര്‍ഗ്ഗത്തിലും മറ്റു വിഭാഗങ്ങളിലും ഉള്ളവര്‍ക്കായി സംവരണം ചെയ്തിരിക്കുന്നു. അഡ്മിഷന്‍ ലഭിക്കുന്നവര്‍ക്ക് സൗജന്യ പരിശീലനത്തിന് പുറമേ പ്രതിമാസ സ്‌റ്റൈപന്റ്, ലംപ്സം ഗ്രാന്റ, യൂണിഫോം അലവന്‍സ്, സ്റ്റഡി ടൂര്‍ അലവന്‍സ്, ഉച്ചഭക്ഷണം എന്നിവ നല്‍കും. www.scdditiadmission.kerala.gov.in എന്ന വെബ്‌സൈറ്റ് വഴി ഓണ്‍ലൈനായും ഐ.ടി.ഐ യില്‍ നേരിട്ടും അപേക്ഷ സമര്‍പ്പിക്കാം. അപേക്ഷ സമര്‍പ്പിക്കേണ്ട അവസാന തിയ്യതി ജൂലൈ 16. വിശദവിവരങ്ങള്‍ക്കായി ഫോണ്‍: 9497068385, 7306102734.