ലഹരി വിരുദ്ധ ബോധവല്‍കരണം

നഷാ മുക്ത് ഭാരത് അഭിയാന്‍ ജില്ലാ തല കാമ്പയിന്റെ ഭാഗമായി റാന്നി സെന്റ് തോമസ് കോളജില്‍  ലഹരി വിരുദ്ധ ബോധവല്‍കരണം സംഘടിപ്പിച്ചു. റാന്നി പഴവങ്ങാടി ഗ്രാമ പഞ്ചായത്ത് അംഗം സീമ മാത്യു  ഉദ്ഘാടനം നിര്‍വഹിച്ചു. കോളേജ് പ്രിന്‍സിപ്പല്‍ ഡോ. സ്നേഹ എല്‍സി ജേക്കബ് അധ്യക്ഷയായി. കോഴഞ്ചേരി ജില്ലാ ആശുപത്രിയിലെ ക്ലിനിക്കല്‍ സൈക്കോളജിസ്റ്റ് പി ടി സന്ദീഷ് ബോധവല്‍കരണ ക്ലാസ് നടത്തി.  ജില്ലാ സാമൂഹ്യനീതി ഓഫിസര്‍ ജെ.ഷംലാ ബീഗം, എന്‍എസ്എസ് പ്രോഗ്രാം കോര്‍ഡിനേറ്റര്‍ ഡോ. റിജി ഇടിക്കുള, ഒസിബി കൗണ്‍സിലര്‍ സതീഷ് തങ്കച്ചന്‍, അധ്യപകര്‍, വിദ്യാര്‍ഥികള്‍ തുടങ്ങിയവര്‍ പങ്കെടുത്തു.