അപ്രൻ്റിസ് ക്ലാർക്ക് പരിശീലനം

പട്ടികജാതി വികസന വകുപ്പിന് കീഴില്‍ ആലപ്പുഴ ജില്ലയില്‍ പ്രവര്‍ത്തിക്കുന്ന ഹരിപ്പാട്, മാവേലിക്കര ഐ.ടി.ഐകളിലേക്കുള്ള അപ്രന്റിസ് ക്ലാര്‍ക്ക് പരിശീലനത്തിന് അപേക്ഷിക്കാം. അപേക്ഷകര്‍ പട്ടികജാതി വിഭാഗത്തില്‍പ്പെട്ടവരും ബിരുദത്തോടൊപ്പം ഡി.സി.എ/സി.ഒ.പി.എ, മലയാളം കമ്പ്യൂട്ടിങ്ങില്‍ അറിവുള്ളവരും ആയിരിക്കണം. 21-35 പ്രായപരിധിയില്‍പ്പെട്ടവര്‍ക്ക് മുന്‍ഗണന. 

ഒരു വര്‍ഷ കാലയളവിലേക്ക് തെരഞ്ഞടുക്കപ്പെടുന്ന രണ്ട് പേര്‍ക്ക് പ്രതിമാസം 10,000 രൂപ വീതം സ്‌റ്റൈപ്പന്റ് ലഭിക്കും. അപേക്ഷകര്‍ ജാതി, പ്രായം, വിദ്യാഭ്യാസ യോഗ്യത, പാസ്‌പോര്‍ട്ട് സൈസ് ഫോട്ടോ സഹിതം നിശ്ചിത മാതൃകയിലുള്ള അപേക്ഷ  ആലപ്പുഴ സിവില്‍ സ്റ്റേഷന്‍ അനെക്സില്‍ പ്രവര്‍ത്തിക്കുന്ന ജില്ലാ പട്ടികജാതി വികസന ഓഫീസില്‍ നേരിട്ടെത്തി  സമര്‍പ്പിക്കണം. അപേക്ഷ ഫോം ജില്ലാ പട്ടികജാതി വികസന ഓഫീസിലും ജില്ലയിലെ എല്ലാ ബ്ലോക്ക് പട്ടികജാതി വികസന ഓഫീസുകളിലും ലഭ്യമാണ്. അവസാന തിയതി ജൂലൈ 11. ഫോണ്‍: 0477 2252548.

(പിആര്‍/എഎല്‍പി/1951)