Post Category
കുളിര്‍മ സെമിനാര്‍ മെയ് 31ന്
എനര്‍ജി മാനേജ്മെന്റ് സെന്റര്‍, മലമ്പുഴ ഗ്രാമപഞ്ചായത്ത്, ഫാര്‍മേഴ്സ് അസോസിയേഷന്‍ എന്നിവ സംയുക്തമായി മെയ് 31 ന് രാവിലെ 11 ന് 'കുളിര്‍മ' സെമിനാര്‍ നടത്തുന്നു. മലമ്പുഴ കൃഷിഭവന്‍ ഹാളില്‍ നടത്തുന്ന സെമിനാറിന്റെ ഉദ്ഘാടനം മലമ്പുഴ ഗ്രാമപഞ്ചായത്ത് പ്രസിഡന്റ് രാധികാ മാധവന്‍ നിര്‍വഹിക്കും. തുടര്‍ന്ന് എനര്‍ജി മാനേജ്മെന്റ് സെന്റര്‍ റിസോഴ്സ് പേഴ്സണ്‍ പി.വി മാത്യു ക്ലാസ് നയിക്കും. കെട്ടിടങ്ങളില്‍ കൂള്‍ സാങ്കേതികവിദ്യ പ്രോത്സാഹിപ്പിച്ച് ഉള്ളിലെ ചൂട് കുറയ്ക്കുകയും, ഫാന്‍, എയര്‍ കണ്ടീഷനുകള്‍ എന്നിവയുടെ ഉപയോഗം കുറയ്ക്കുന്നതിനുമുള്ള പദ്ധതിയാണ് 'കുളിര്‍മ'. സെമിനാറില്‍ പങ്കെടുക്കുന്നതിന് ഫോണ്‍:9562369001.
date
- Log in to post comments