കണ്ടിൻജൻ്റ് വർക്കേഴ്സിനെ നിയമിക്കുന്നു

ജില്ലയിൽ കൊതുക്‌ ജന്യരോഗ നിയന്ത്രണ പ്രവർത്തനങ്ങൾക്കായി കണ്ടിൻജൻ്റ് വർക്കേഴ്സിനെ  നിയമിക്കുന്നു. പരമാവധി 30 ദിവസത്തേയ്ക്കോ അതിൽ കുറവ് ദിവസത്തേയ്ക്കോ താൽക്കാലികമായാണ് നിയമിക്കുന്നത്. അഭിമുഖം ജൂലൈ 16ന് രാവിലെ 10.30 മുതൽ ജില്ലാ മെഡിക്കൽ ഓഫീസിന് സമീപമുള്ള സ്റ്റേറ്റ് ന്യൂട്രീഷ്യൻ ഹാളിൽ നടത്തും. പ്രതിദിനം 675/- രൂപ ശമ്പളം ലഭിക്കും.

7-ാം ക്ലാസ് പൂർത്തീകരിച്ചവർക്ക് അപേക്ഷിക്കാം. ബിരുദധാരികൾക്ക് അപേക്ഷിക്കാൻ കഴിയില്ല. പ്രായപരിധി 55 വയസ്സ്.  ആരോഗ്യമുള്ളവരും ആയിരിക്കണം. തിരുവനന്തപുരം ജില്ലയിൽ ഉള്ളവർക്കും ,കണ്ടിൻജൻ്റ് വർക്കർ/ഫോഗിംഗ്, സ്പ്രേയിംഗ് പ്രവൃത്തി പരിചയം ഉള്ളവർക്കും മുൻഗണനയുണ്ടാകും.

 താൽപര്യമുള്ളവർ യോഗ്യത സർട്ടിഫിക്കറ്റും പ്രവൃത്തി പരിചയ സർട്ടിഫിക്കറ്റും സാക്ഷ്യപ്പെടുത്തിയ  പകർപ്പുകളും സഹിതം അഭിമുഖത്തിന് ഹാജരാകേണ്ടതാണ്. രജിസ്ട്രേഷൻ നടപടികൾ രാവിലെ 10.30 വരെ മാത്രം ആയിരിക്കും. അതിനുശേഷം ഹാജരാകുന്നവരെ ഇൻ്റർവ്യൂവിൽ പരിഗണിക്കുന്നതല്ല.