പോഷകാഹാര കിറ്റ് വിതരണം ചെയ്യുന്നു

ജില്ലാ പഞ്ചായത്തിന്റെ 2025-26 വര്‍ഷത്തെ പദ്ധതിയുടെ ഭാഗമായി പോഷകാഹാര കിറ്റ് വിതരണം ചെയ്യുന്നു. ഇതിനായി ജില്ലയില്‍ എ.ആര്‍.ടി.  കേന്ദ്രങ്ങളില്‍ രജിസ്റ്റര്‍ ചെയ്ത് ചികിത്സ തേടുന്ന ഗുണഭോക്താക്കള്‍ക്ക് അപേക്ഷിക്കാം. ജൂലൈ 14, 15, 16 തീയതികളില്‍ രാവിലെ 10 മണി മുതല്‍ വൈകുന്നേരം 3 മണി വരെ ജില്ലാ പഞ്ചായത്ത് കാര്യാലയത്തിലാണ് അപേക്ഷ സമര്‍പ്പിക്കേണ്ടത്. ഗുണഭോക്താക്കള്‍ എ.ആര്‍.ടി. കേന്ദ്രത്തില്‍ നിന്ന് ലഭിച്ച കാര്‍ഡിന്റെയും വോട്ടേഴ്‌സ് ഐഡന്റിറ്റി കാര്‍ഡിന്റെയും പകര്‍പ്പ് കരുതണം. 14ന് പാലക്കാട്, മണ്ണാര്‍ക്കാട്, അട്ടപ്പാടി താലൂക്കുകളിലുള്ളവര്‍ക്കും 15ന് ഒറ്റപ്പാലം, പട്ടാമ്പി താലൂക്കുകളിലുള്ളവരും 16ന് ചിറ്റൂര്‍, ആലത്തൂര്‍ താലൂക്കുകളിലുള്ളവരുമാണ് അപേക്ഷിക്കേണ്ടത്. ഫോണ്‍:  0491 2505638