ഗജ ചുഴലിക്കാറ്റ് ബാധിതരെ സഹായിക്കാന്‍ കളക്ഷന്‍ സെന്റര്‍ ഒരുക്കി ജില്ലാ ഭരണകൂടം
പ്രളയക്കാലത്ത് തമിഴ് ജനതയുടെ സ്‌നേഹവും കരുതലും ഏറെ അനുഭവിച്ചവരാണ് കേരള സമൂഹം. രാപ്പകലില്ലാതെ ദുരിതാശ്വാസ വസ്തുക്കളുമായി തമിഴ് സഹോദരങ്ങള്‍ കിലോ മീറ്ററുകള്‍ താണ്ടി വയനാട് അടക്കമുള്ള പ്രളയബാധിത പ്രദേശങ്ങളിലെത്തി. ഇന്നവര്‍ ഗജ ചുഴലിക്കാറ്റ് തീര്‍ത്ത ദുരിതക്കയത്തിലാണ്. ഈ പശ്ചാത്തലത്തില്‍ ഗജ ചുഴലിക്കാറ്റിനെ തുടര്‍ന്ന് ദുരിതമനുഭവിക്കുന്ന തമിഴ് ജനതയെ സഹായിക്കാനായി വയനാട് ജില്ലാ കളക്ടറേറ്റില്‍ റിലീഫ് കളക്ഷന്‍ സംവിധാനം ആരംഭിച്ചു. താര്‍പായ, ജനറേറ്റര്‍ സെറ്റ്‌സ്, അരി, പരിപ്പ്, ബിസ്‌കറ്റ്, ബ്രഡ്, കൊതുകുവല, പുതിയ വസ്ത്രങ്ങള്‍, പാല്‍പ്പൊടി, കുടിവെള്ളം, ടോര്‍ച്ച്, കുട, ടവ്വല്‍, ബെഡ് ഷീറ്റ്, ക്ലോറിന്‍ ഗുളിക തുടങ്ങിയ ദുരിതാശ്വാസ വസ്തുകളാണ് ആവശ്യം. തമിഴ്‌നാട്ടിലെ തിരുവരുര്‍, നാഗപട്ടണം, പുതുകോട്ടൈ, തഞ്ചാവൂര്‍ തുടങ്ങിയ തീരദേശ ജില്ലകളിലാണ് ഗജ ചുഴലിക്കാറ്റ് കനത്ത നാശം വിതച്ചത്. ഈ പ്രദേശങ്ങളിലടക്കം നിരവധി പേരിപ്പോഴും ദുരിതാശ്വാസ ക്യാമ്പുകളിലാണ് കഴിയുന്നത്. കളക്ടറേറ്റില്‍ പ്രവര്‍ത്തിക്കുന്ന കളക്ഷന്‍ സെന്ററിനെ കുറിച്ച് കൂടുതല്‍ അന്വേഷണങ്ങള്‍ക്ക് അഫ്‌സല്‍ - 9447707079, സന്ദീപ് - 9745166864 എന്നിവരെ ബന്ധപ്പെടുക.
- Log in to post comments