Post Category
*കാണാതായ 32 പേരുടെ കുടുംബാംഗങ്ങള്‍ക്ക് സര്‍ട്ടിഫിക്കറ്റ് ലഭ്യമാക്കി*
ദുരന്തത്തില്‍ കാണാതായ 32 പേരുടെ കുടുംബാംഗങ്ങള്‍ക്ക് സര്‍ക്കാറിന്റെ പ്രത്യേക പരിഗണനയില്‍ ഔദ്യോഗിക സര്‍ട്ടിഫിക്കറ്റ് അനുവദിച്ചു. കണ്ടെത്താനാവാത്തവരെ സര്‍ക്കാര്‍ ഔദ്യോഗികമായി മരിച്ചവരായി അംഗീകരിച്ചു. ജില്ലാ ദുരന്ത നിവാരണ അതോറിറ്റിയുടെ അംഗീകാരത്തോടെ മേപ്പാടി ഗ്രാമപഞ്ചായത്തില്‍ മരണ രജിസ്‌ട്രേഷന്‍ നടപടികള്‍ പൂര്‍ത്തിക്കി. കണ്ടെത്താത്തവരുടെ കുടുംബങ്ങള്‍ നല്‍കിയ അപേക്ഷയുടെ അടിസ്ഥാനത്തിലാണ് നടപടി സ്വീകരിച്ചത്. ഗ്രാമപഞ്ചായത്ത് സെക്രട്ടറി, എസ്എച്ച്ഒ, വെള്ളരിമല വില്ലേജ് ഓഫീസര്‍ എന്നിവരടങ്ങിയ സമിതി ശേഖരിച്ച വിവരങ്ങള്‍ സബ് കളക്ടറുടെ നേതൃത്വത്തില്‍ പരിശോധിച്ച് പട്ടിക തയ്യാറാക്കുകയും ശേഷം ജില്ലാ ദുരന്ത നിവാരണ അതോറിറ്റി അംഗീകരിച്ച് മേപ്പാടി എസ്എച്ച്ഒയുടെ റിപ്പോര്‍ട്ടിന്റെ അടിസ്ഥാനത്തില്‍ ഔദ്യോഗികമായി മരണം രേഖപ്പെടുത്തുകയുമായിരുന്നു.
date
- Log in to post comments