കടമ്പഴിപ്പുറം ഗ്രാമപഞ്ചായത്തില് വികസന സദസ്സ് സംഘടിപ്പിച്ചു
സംസ്ഥാന സര്ക്കാറിന്റെ ആഭിമുഖ്യത്തില് തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായി സംഘടിപ്പിക്കുന്ന വികസന സദസ്സ് കടമ്പഴിപ്പുറം ഗ്രാമപഞ്ചായത്തില് അഡ്വ. കെ.പ്രേംകുമാര് എം.എല്.എ ഉദ്ഘാടനം ചെയ്തു. ഗ്രാമപഞ്ചായത്തിന്റെ വികസനങ്ങള് ഉള്പ്പെടുത്തിയ പത്രം എം.എല്.എ ബ്ലോക്ക് പഞ്ചായത്ത് പ്രസിഡന്റ് സുനിത ജോസഫിന് നല്കി പ്രകാശനം ചെയ്തു.
പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുന്നത്. ഗ്രാമപഞ്ചായത്ത് ഹാളില് നടന്ന പരിപാടിയില് ഗ്രാമപഞ്ചായത്ത് പ്രസിഡന്റ് പി.ശാസ്തകുമാര് അധ്യക്ഷനായി.ബ്ലോക്ക് പഞ്ചായത്ത് പ്രസിഡന്റ് സുനിത ജോസഫ്, ജില്ലാ പഞ്ചായത്ത് മെമ്പര് പി.മൊയ്തീന്കുട്ടി, ഗ്രാമപഞ്ചായത്ത് വൈസ് പ്രസിഡന്റ് കെ.ശ്രീലത, സെക്രട്ടറി ശ്രീജിത്ത്, അസിസ്റ്റന്റ് സെക്രട്ടറി സുരേഷ്,രാഷ്ട്രീയപാര്ട്ടി പ്രതിനിധികള്, ജനപ്രതിനിധികള്, ത്രിതല പഞ്ചായത്ത് അംഗങ്ങള്, ഉള്പ്പെടെ വിവിധ മേഖലകളിലെ വിദഗ്ധരും പങ്കെടുത്തു.
- Log in to post comments