വ്യാജസന്ദേശങ്ങള്‍ക്കെതിരെ കര്‍ശന നടപടി: ജില്ലാ കലക്ടര്‍

വ്യാജ സാമൂഹ്യമാധ്യമ അക്കൗണ്ടുകളിലൂടെ സര്‍ക്കാര്‍ ഉദ്യോഗസ്ഥരില്‍നിന്ന് പണംതട്ടിയെടുക്കാനുള്ള ശ്രമങ്ങള്‍ക്കെതിരെ ശക്തമായ നിയമനടപടി സ്വീകരിക്കുമെന്ന് ജില്ലാ കലക്ടര്‍ എന്‍ ദേവിദാസ് മുന്നറിയിപ്പ് നല്‍കി. ജില്ലാ കലക്ടറുടെ വ്യാജപ്രൊഫൈല്‍ ഉപയോഗിക്കുന്നതായും കണ്ടെത്തിയിട്ടുണ്ട്. എസ്.ഐ.ആറുമായി ബന്ധപ്പെട്ട എന്യുമറേഷന്‍ ഫോംവിതരണം പൂര്‍ത്തിയാക്കിയ ബി എല്‍ ഒമാര്‍ക്ക് അഭിനന്ദനം അറിയിച്ചാണ് സന്ദേശങ്ങള്‍, തുടര്‍ന്നാണ് പണം ആവശ്യപ്പെടുന്നതും.  ഇത്തരംസന്ദേശങ്ങളില്‍ തെറ്റിദ്ധരിച്ച് പണമയക്കരുതെന്നും ജാഗ്രത   പാലിക്കണമെന്നും ജില്ലാ കലക്ടര്‍ അറിയിച്ചു.