ന്യൂനപക്ഷ വിഭാഗത്തില്‍പ്പെട്ട വിദ്യാർഥികളുടെ സ്‌കോളര്‍ഷിപ്പിന് അപേക്ഷിക്കാം

സംസ്ഥാനത്തെ സര്‍ക്കാര്‍/സര്‍ക്കാര്‍ എയ്ഡഡ് സ്‌കൂളുകളിലെ ഒമ്പത്, 10 ക്ലാസ്സുകളില്‍ പഠനം നടത്തുന്നവരില്‍ നാഷണല്‍ സ്‌കോളര്‍ഷിപ്പ് പോര്‍ട്ടല്‍ (എന്‍.എസ്.പി) മുഖേന മൈനോരിറ്റി സ്‌കോളര്‍ഷിപ്പിനായി അപേക്ഷ സമര്‍പ്പിച്ചിട്ടില്ലാത്ത ന്യൂനപക്ഷ  വിദ്യാർഥികൾക്ക് ഇ - ഗ്രാന്റ്സ് പോര്‍ട്ടല്‍ മുഖേന അപേക്ഷിക്കാം.  ഇതിനായി 2026 ജനുവരി ഒന്ന്  മുതല്‍ 15 വരെ പോര്‍ട്ടല്‍ സജ്ജമാക്കുന്നതാണ്. മറ്റ് സ്‌കോളര്‍ഷിപ്പുകള്‍ ലഭ്യമാകാത്തവരെയാണ് ഈ  പദ്ധതിയ്ക്കായി പരിഗണിക്കേണ്ടത്. ഇത്  സ്ഥാപന മേധാവിമാര്‍ പ്രത്യേകം ഉറപ്പ് വരുത്തേണ്ടതാണ്. ഇതു സംബന്ധിച്ച  സര്‍ക്കുലറുകള്‍  www.egrantz.kerala.gov.in, www.bcdd.kerala.gov.inഎന്നീ വെബ് സൈറ്റുകളില്‍ ലഭ്യമാണ്. കൂടുതല്‍ വിവരങ്ങള്‍ക്ക് - എറണാകുളം മേഖലാ ഓഫീസുമായി ബന്ധപ്പെടുക.  ഫോണ്‍: 0484 - 2983130.