നിയമസഭാ യുവജനകാര്യ സമിതി യോഗം 30ന് കണ്ണൂരിൽ

കേരള നിയമസഭ യുവജനക്ഷേമവും യുവജനകാര്യവും സംബന്ധിച്ച സമിതി ഡിസംബർ 30 (നാളെ) രാവിലെ 10.30ന് കണ്ണൂർ ജില്ലാ കളക്ടറേറ്റ് കോൺഫറൻസ് ഹാളിൽ യോഗം ചേരും. യുവജനങ്ങൾ നേരിടുന്ന പ്രശ്നങ്ങൾ സംബന്ധിച്ച് കായികയുവജനകാര്യം, ഉന്നതവിദ്യാഭ്യാസം എന്നീ വകുപ്പുകളിലെ ജില്ലാതല ഉദ്യോഗസ്ഥന്മാരുമായി സമിതി ചർച്ച നടത്തും.

യുവജനങ്ങളിൽ നിന്നും യുവജനസംഘടനകളിൽ നിന്നും പരാതികൾ സമിതി സ്വീകരിക്കും. പരാതി നൽകുവാനുള്ള വ്യക്തികൾക്കും സംഘടനാ പ്രതിനിധികൾക്കും പ്രസ്തുത യോഗത്തിൽ നേരിട്ട് ഹാജരായി സമിതി അധ്യക്ഷനെ അഭിസംബോധന ചെയ്ത് തയാറാക്കിയതും കയ്യൊപ്പ് രേഖപ്പെടുത്തിയതുമായ പരാതികൾ/ അപേക്ഷകൾ സമർപ്പിക്കാം.

പി.എൻ.എക്സ് 6205/2025