തിരുവേഗപ്പുറ പാലം അടച്ചിടും

അപകടാവസ്ഥ പരിഹരിക്കുന്നതിനും അടിയന്തിര അറ്റകുറ്റപ്പണികള്‍ ചെയ്യുന്നതിനുള്ള പ്രവൃത്തിക്കായി തിരുവേഗപ്പുറ പാലം ജനുവരി ഒന്നിന് അര്‍ധരാത്രി മുതല്‍ ഒരു മാസത്തേക്ക് അടച്ചിടും. ഈ കാലയളവില്‍ പാലത്തിലൂടെയുള്ള വാഹന ഗതാഗതം പൂര്‍ണ്ണമായും നിരോധിക്കും. കൊപ്പം-പാലക്കാട് ഭാഗത്തേക്ക് പോകുന്ന വാഹനങ്ങള്‍ വളാഞ്ചേരി ജങ്ഷനില്‍ നിന്നോ വലിയകുന്ന് ജങ്ഷനില്‍ നിന്നോ പൂക്കാട്ടിരി - ഓണപ്പുട (കുളത്തൂര്‍) പുലാമന്തോള്‍ വഴിയും വളാഞ്ചേരി, കോഴിക്കോട് ഭാഗത്തേക്ക് പോകുന്ന വാഹനങ്ങള്‍ കൊപ്പം ജങ്ഷനില്‍ നിന്നും പുലാമന്തോള്‍- ഓണപ്പുട (കുളത്തൂര്‍) വഴിയും നടുവട്ടം ജങ്ഷനില്‍ നിന്നും മൂര്‍ക്കനാട് - വെങ്ങാട് വഴിയും തിരിഞ്ഞു പോകണം.