സമൃദ്ധി കേരളം; ടോപ്പ് അപ്പ് ലോണിന് അപേക്ഷിക്കാം

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ മുഖേനെ നടപ്പിലാക്കുന്ന സമൃദ്ധി കേരളം ടോപ്പ് അപ്പ് ലോണ്‍ പദ്ധതിയിലേക്ക് അപേക്ഷ ക്ഷണിക്കുന്നു. ഗുണഭോക്താവിന് പരമാവധി പത്ത് ലക്ഷം രൂപ വരെ ടേം ലോണ്‍ അല്ലെങ്കില്‍ വര്‍ക്കിംഗ് ക്യാപിറ്റല്‍ ലോണായി നല്‍കുന്നതാണ്. ഗുണഭോക്താക്കള്‍ക്ക് മൂന്ന് ശതമാനം അറ്റവാര്‍ഷിക പലിശ നിരക്കിലോ അല്ലെങ്കില്‍ 20 ശതമാനം വരെ ഫ്രണ്ട് എന്‍ഡഡ് സബ്‌സിഡി രൂപത്തിലോ പദ്ധതിയുടെ ആനുകൂല്യം തെരഞ്ഞെടുക്കാവുന്നതാണ്. കൂടുതല്‍ വിവരങ്ങള്‍ക്കും അപേക്ഷ സമര്‍പ്പിക്കുന്നതിനും പട്ടികജാതി, പട്ടികവര്‍ഗ്ഗ വികസന കോര്‍പ്പറേഷന്റെ ജില്ലാ കാര്യാലയവുമായി ബന്ധപ്പെടുക. ഫോണ്‍: 0487 2331556, 9400068508.