മുട്ടടയിൽ 'പാത്ത് 2026' തൊഴിൽമേള സംഘടിപ്പിച്ചു

ഐ.എച്ച്.ആർ.ഡി. റീജിയണൽ സെന്ററും മുട്ടട ടെക്നിക്കൽ ഹയർ സെക്കണ്ടറി സ്കൂളും സംയുക്തമായി 'പാത്ത് 2026' തൊഴിൽമേള സംഘടിപ്പിച്ചു.അഡ്വ. വി.കെ. പ്രശാന്ത് എം എൽ എ മേള ഉദ്ഘാടനം ചെയ്തു.ഇച്ഛാശക്തിയോടെ അവസരങ്ങൾ പ്രയോജനപ്പെടുത്തി തൊഴിൽ നേടാൻ ഉദ്യോഗാർത്ഥികൾ തയ്യാറാകണമെന്ന് അദ്ദേഹം പറഞ്ഞു. ഐ.എച്ച്.ആർ.ഡി. ഡയറക്ടർ ഡോ. വി.എ. അരുൺകുമാർ ചടങ്ങിൽ അദ്ധ്യക്ഷത വഹിച്ചു.ഐ.സി.ഐ.സി.ഐ ബാങ്ക്, എസ്.ബി.ഐ ലൈഫ്, ഇൻവോ മീഡിയ, ട്രയോനെറ്റ് ഇൻഫോ സൊല്യൂഷ്യൻസ് തുടങ്ങി പ്രമുഖരായ പത്തോളം തൊഴിൽദാതാക്കളാണ് മേളയിൽ പങ്കെടുത്തത്.289 പേർ തൊഴിൽമേളയിൽ പങ്കെടുത്തു.

വാർഡ് കൗൺസിലർമാരായ ബി. സുഭാഷ്, വൈഷ്ണ സുരേഷ്, അനിത അലക്സ്, പ്രിൻസിപ്പാൾ ഡോ.വി ഐഷ,മുട്ടട ടെക്നിക്കൽ ഹയർ സെക്കണ്ടറി സ്കൂൾ പ്രിൻസിപ്പാൾ ടി.കെ ആനന്ദകുട്ടൻ,ഐ.എച്ച്.ആർ.ഡി. ഉദ്യോഗസ്ഥരായ ഡോ. പി ലത

,ഡോ. മനോജ് റേ,കെ സിന്ധു,പ്ലേസ്മെന്റ് ഓഫീസർ എം ഗോകുൽ എച്ച്.ഒ.ഡി സുർജിത്ത് രാജ് എന്നിവർ പങ്കെടുത്തു.