അംഗത്വം പുന:സ്ഥാപിക്കാം

കര്‍ഷകതൊഴിലാളി ക്ഷേമനിധിബോര്‍ഡില്‍ അംഗത്വം നഷ്ടമായ 10 വര്‍ഷം വരെ കുടിശികയുളളവര്‍ക്ക് പിഴ അടച്ച് അംഗത്വം പുന:സ്ഥാപിക്കാനുളള സമയപരിധി  ജനുവരി 10ന് അവസാനിക്കും. 2015 സെപ്തംബര്‍ ഒന്നു മുതല്‍ കുടിശിക വരുത്തിയവര്‍ക്കാണ് ആനുകൂല്യം. 60 വയസ് പൂര്‍ത്തിയായവര്‍ കുടിശിക അടയ്ക്കണ്ട. ആധാര്‍കാര്‍ഡ്, ബാങ്ക് പാസുബുക്ക് എന്നിവയുടെ പകര്‍പ്പും ഒരു ഫോട്ടോയും സഹിതം കുടിശിക അടച്ച് അംഗത്വം പുന:സ്ഥാപിക്കണമെന്ന് ജില്ല എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ : 0468-2327415.