ഉദുമ മണ്ഡലത്തില് 11068 ഗൃഹസന്ദര്ശനങ്ങള് പൂര്ത്തിയായി
നവകേരളം സിറ്റിസണ്സ് റെസ്പോണ്സ് പ്രോഗ്രാം വികസനക്ഷേമ പഠന പദ്ധതിയുടെ ഭാഗമായി ഉദുമ മണ്ഡലത്തിലെ വിവിധ ഗ്രാമപഞ്ചായത്തുകളിലായി 11068 വീടുകളില് ഗൃഹസന്ദര്ശനം പൂര്ത്തിയാക്കി. ഏറ്റവും കൂടുതല് വീടുകള് സന്ദര്ശിച്ചിരിക്കുന്നത് ബേഡഡുക്ക, പള്ളിക്കര, ഉദുമ തുടങ്ങിയ ഗ്രാമപഞ്ചായത്തുകളിലാണ്. ഉദുമ മണ്ഡലം ചാര്ജ് ഓഫീസറും സഹകരണ സംഘം അസിസ്റ്റന്റ് രജിസ്ട്രാറുമായ കെ.വി മനോജ് കുമാറിന്റെയും ജില്ലാ നിര്വഹണ സമിതി അംഗങ്ങളുടെയും, പഞ്ചായത്ത് സമിതിയുടെയും നേതൃത്വത്തിലാണ് മണ്ഡലത്തില് ഗൃഹസന്ദര്ശന പ്രവര്ത്തനങ്ങള് പുരോഗമിക്കുന്നത്.
ജനങ്ങളിലേക്ക് നേരിട്ടെത്തി അവരുടെ അഭിപ്രായങ്ങളും നിര്ദേശങ്ങളും കേള്ക്കുകയും, വികസന സംവാദങ്ങളില് സജീവ പങ്കാളികളാക്കുകയും ചെയ്ത് നയരൂപീകരണത്തില് ജനങ്ങളെ അവിഭാജ്യ ഘടകമാക്കുന്ന ലോകത്തില് ആദ്യ പദ്ധതിയാണ് നവകേരളം സിറ്റിസണ്സ് റെസ്പോണ്സ് പ്രോഗ്രാം വികസനക്ഷേമ പഠന പരിപാടി. സംസ്ഥാന സാമൂഹ്യ സന്നദ്ധസേനയിലെ സന്നദ്ധപ്രവര്ത്തകര് ഓരോ വാര്ഡുകളിലുമുള്ള വീടുകള്, ഫ്ലാറ്റുകള്, മറ്റ് താമസസ്ഥലങ്ങള്, എന്നിവിടങ്ങളില് സന്ദര്ശനം നടത്തി മൊബെല് ആപ്പിന്റെ സഹായത്തോടെ അഭിപ്രായങ്ങളും നിര്ദ്ദേശങ്ങളും സര്ക്കാറിലേക്ക് സമര്പ്പിക്കുകയാണ് ചെയ്തു വരുന്നത്
- Log in to post comments