കാസര്‍കോടിന്റെ ഹൃദയം തൊട്ട് ആരോഗ്യ രംഗത്തെ കുതിപ്പ്

മെഡിക്കല്‍ കോളേജ് ആശുപത്രി ബ്ലോക്കിന്റെ നിര്‍മ്മാണവും 29 കോടി രൂപ ചെലവഴിച്ച് നിര്‍മ്മിക്കുന്ന ഹോസ്റ്റലിന്റെ നിര്‍മ്മാണവും അന്തിമ ഘട്ടത്തില്‍

കാസര്‍കോട് ജില്ല കണ്ട എക്കാലത്തെയും മികച്ച വികസന കുതിപ്പാണ് കഴിഞ്ഞ പത്ത് വര്‍ഷത്തിനുള്ളില്‍ നടന്നത്. ജില്ലയുടെ ചരിത്ര നേട്ടമായി 50 എം.ബി.ബി എസ് സീറ്റുകളോടെ കാസര്‍കോട് മെഡിക്കല്‍ കോളേജ് ആരോഗ്യമന്ത്രി വീണ ജോര്‍ജ് ഉദ്ഘാടനം ചെയ്യുമ്പോള്‍ ഉന്നത ചികിത്സയ്ക്കായി തൊട്ടടുത്ത സംസ്ഥാനമായ കര്‍ണാടകയിലെ മംഗലാപുരത്തെ ആശ്രയിക്കേണ്ടി വന്ന കാസര്‍കോട്ടുകാരുടെ ദുരിതത്തിന് അതൊരു ശാശ്വത പരിഹാരവുമായി. ദേശീയ ഗുണനിലവാരമുള്ള അത്യാധുനിക ചികിത്സാ സംവിധാനങ്ങളോടു കൂടിയാണ് കാസര്‍ഗോഡ് മെഡിക്കല്‍ കോളേജ് ഇന്ന് തലയുയര്‍ത്തി നില്‍ക്കുന്നത്.