സ്വയം തൊഴിൽ വായ്‌പ

സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ സ്വയം തൊഴിൽ വായ്‌പകൾക്ക് അപേക്ഷ ക്ഷണിച്ചു. 7.5 ശതമാനം പലിശ നിരക്കിൽ അഞ്ചു സെന്റിൽ കുറയാത്ത വസ്തു ജാമ്യത്തിന്റെയോ സർക്കാർ ഉദ്യോഗസ്ഥ ജാമ്യത്തിന്റെയോ ഈടിൽ അനുവദിക്കുന്ന ഒരു ലക്ഷം രൂപ മുതൽ അഞ്ച് ലക്ഷം രൂപ വരെയുള്ള സ്വയം തൊഴിൽ വായ്‌പകൾക്കാണ് അപേക്ഷ ക്ഷണിച്ചത്. അപേക്ഷകർ ജില്ലയിലെ പട്ടികജാതി, പട്ടികവർഗ്ഗ വിഭാഗത്തിൽപ്പെട്ട തൊഴിൽ രഹിതരും 18 നും 60 നും മദ്ധ്യേ പ്രായമുള്ളവരുമായിരിക്കണം. വരുമാന പരിധി അഞ്ച് ലക്ഷം രൂപ വരെ. അപേക്ഷാ ഫോറത്തിനും വിശദ വിവരങ്ങൾക്കും തൃശ്ശൂർ രാമനിലയത്തിന് സമീപമുള്ള കോർപ്പറേഷന്റെ ജില്ലാ ഓഫീസുമായി ബന്ധപ്പെടുക. ഫോൺ: 0487 2331556, 9400068508