സമ്മർ കോച്ചിംഗ് ക്യാമ്പ്

സ്‌പോർട്‌സ് കൗൺസിലിന്റെ ആഭിമുഖ്യത്തിൽ വിവിധ കായികയിനങ്ങളിൽ ഏപ്രിൽ 6 മുതൽ മെയ് 20 വരെ സമ്മർ കോച്ചിംഗ് ക്യാമ്പ് സംഘടിപ്പിക്കുന്നു. തിരുവനന്തപുരം സെൻട്രൽ സ്റ്റേഡിയം, ശംഖുമുഖം ജി.വി.രാജ, ഇൻഡോർ സ്റ്റേഡിയം, ഡോ. ബി. ആർ. അംബേദ്കർ ഇന്റർനാഷണൽ സ്വിമ്മിംഗ് പൂൾ, പിരപ്പൻകോട് എന്നിവടങ്ങളിലാണ് ക്യാമ്പ്. അത്‌ലറ്റിക്‌സ്, ബാസ്‌ക്കറ്റ് ബോൾ, ഫുട്‌ബോൾ, ഹാൻഡ്‌ബോൾ, കരാട്ടെ, ഗുസ്തി, ബോക്‌സിംഗ്, ക്രിക്കറ്റ്, ബേസ് ബോൾ എന്നീ കായിക ഇനങ്ങളുടെ പരിശീലന ക്യാമ്പ് തിരുവനന്തപുരം സെൻട്രൽ സ്റ്റേഡിയത്തിലും, ബാഡ്മിന്റൺ ശംഖുമുഖം ജി.വി.രാജ ഇൻഡോർ സ്റ്റേഡിയത്തിലും, നീന്തൽ പിരപ്പൻകോട് ഡോ. ബി. ആർ. അംബേദ്കർ ഇന്റർനാഷണൽ സ്വിമ്മിംഗ് പൂളിലുമാണ് നടത്തുന്നത്. 8 വയസ്സ് മുതൽ 17 വയസ്സുവരെയുളള കുട്ടികൾക്കാണ് പ്രവേശനം. വിശദവിവരങ്ങൾക്ക്: 0471-2330167, 0471-2331546.

പി.എൻ.എക്‌സ്. 1223/2026