*ആപ്പ് ഉപയോഗിക്കേണ്ട വിധം*

ഗൂഗിള്‍ പ്ലേ സ്റ്റോറില്‍ നിന്നും 'MeHEALTH' ആപ്പ് (https://play.google.com/store/apps/details?id=in.gov.kerala.ehealth.mhealth&hl=en_IN) ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യുക. ഫോണ്‍ നമ്പറും ഒ.ടി.പിയും നല്‍കി ലോഗിന്‍ ചെയ്യുക. ആപ്പില്‍ ആധാര്‍ വിവരങ്ങള്‍ നല്‍കി യുണീക്ക് ഹെല്‍ത്ത് ഐഡി സൃഷ്ടിക്കാം. ഇതിലൂടെ ഓണ്‍ലൈനായി ഒ.പി ടിക്കറ്റും മുന്‍കൂട്ടിയുള്ള അപ്പോയ്‌മെന്റും എടുക്കാം. ആപ്പിന്റെ ഹോം പേജിലെ 'Near By Service' എന്ന ഓപ്ഷനിലൂടെ ആവശ്യമുള്ള സേവനങ്ങള്‍ തിരഞ്ഞെടുക്കാം

യു എച്ച് ഐ ഡി (യൂണിക് ഹെല്‍ത്ത് ഐഡി) ഇതുവരെ എടുത്തിട്ടില്ലാത്തവര്‍ക്ക് ആശുപത്രികളില്‍ ആധാര്‍ കാര്‍ഡ് കൊണ്ടുവന്നാല്‍ ആരോഗ്യ പ്രവര്‍ത്തകരുടെ സഹായത്തോടെ യു എച്ച് ഐ ഡി എടുക്കാവുന്നതാണ്. സര്‍ക്കാര്‍ ആശുപത്രികളിലെ സേവനങ്ങള്‍ കൂടുതല്‍ കാത്തിരിപ്പില്ലാതെ വേഗത്തിലും സുഗമമായും ലഭ്യമാക്കാന്‍ പൊതുജനങ്ങള്‍ ഈ ഡിജിറ്റല്‍ സംവിധാനം പ്രയോജനപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ പറഞ്ഞു.