സെന്സസ് 2027 ഉദ്യോഗസ്ഥപരിശീലനം ജൂണ് 23നകം പൂര്ത്തിയാക്കണം: ജില്ലാ കലക്ടര്
ജില്ലയിലെ സെന്സസ് പ്രവര്ത്തനങ്ങളുമായി ബന്ധപ്പെട്ട് സൂപ്പര്വൈസര്മാര്ക്കും എന്യൂമറേറ്റര്മാര്ക്കും സംഘടിപ്പിക്കുന്ന പരിശീലനം ജൂണ് 23നകം പൂര്ത്തിയാക്കണമെന്ന് പ്രിന്സിപ്പല് സെന്സസ് ഓഫീസറായ ജില്ലാ കലക്ടര് ആനി ജൂല തോമസ്. പ്രവര്ത്തനങ്ങള് വിലയിരുത്താനായി ചേര്ന്ന ഓണ്ലൈന് യോഗത്തില് ഉദ്യോഗസ്ഥരെ നിയോഗിച്ചുകൊണ്ടുള്ള പോസ്റ്റിങ്ങ് ഓര്ഡര്, പരിശീലനം നടത്താനായുള്ള ക്രമീകരണങ്ങള് എന്നിവ ചുമതലയുള്ള തഹസില്ദാര്മാര് ഉറപ്പാക്കണമെന്നും നിര്ദേശിച്ചു.
സാങ്കേതികതടസങ്ങള് ഐ ടി വിഭാഗം പരിഹരിക്കണം. കൂടുതല് ഉദ്യോഗസ്ഥരെ നിയോഗിക്കേണ്ട താലൂക്കുകളില് പോസ്റ്റിങ്ങ് ഓര്ഡര് ഓണ്ലൈനായി ലഭ്യമാക്കണം. പൊതുജനങ്ങള്ക്ക് നേരിട്ട് വിവരങ്ങള് രേഖപ്പെടുത്താനുള്ള സെല്ഫ് എന്യൂമേറേഷന് സംവിധാനം പരമാവധി പ്രയോജനപ്പെടുത്തണമെന്നും വ്യക്തമാക്കി. സെന്സസ് അഡിഷണല് ഡയറക്ടര്മാര്, തഹസില്ദാര്മാര്, ഉദ്യോഗസ്ഥര് തുടങ്ങിയവര് പങ്കെടുത്തു.
- Log in to post comments