അതിഥി അധ്യാപക ഒഴിവ്

പട്ടാമ്പി ഗവ. സംസ്‌കൃത കോളേജില്‍ 2026-27 അധ്യയനവര്‍ഷത്തില്‍ സംസ്‌കൃതം സാഹിത്യ വിഷയത്തില്‍ അതിഥി അധ്യാപകനെ/അധ്യാപികയെ നിയമിക്കുന്നതിനുള്ള അഭിമുഖം ജൂണ്‍ 19 ന് രാവിലെ 10.30 ന് നടക്കും.  സംസ്‌കൃത സാഹിത്യത്തില്‍ ബിരുദാനന്തരബിരുദവും യു.ജി.സി. മാനദണ്ഡങ്ങള്‍ അനുസരിച്ചുള്ള യോഗ്യതയുള്ളവരും തൃശ്ശൂര്‍ കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ഥികള്‍ അവരുടെ വയസ്സ്, പ്രവൃത്തി പരിചയം, വിദ്യാഭ്യാസ യോഗ്യത എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ സഹിതം കോളെജില്‍ അഭിമുഖത്തിനെത്തണം. ഫോണ്‍- 0466 2212223.