വായനാ പക്ഷാചരണം സമാപനം ജൂലൈ ആറിന്

ജില്ലാ ഭരണകൂടവും വിവിധ വകുപ്പുകളും ചേർന്ന് നടത്തുന്ന വായന പക്ഷാചരണത്തിന്റെ സമാപനം ജൂലൈ ആറിന് രാവിലെ 10 ന് ജില്ലാ പഞ്ചായത്ത് പ്രസിഡന്റ് പി.എ.ജബ്ബാർ ഹാജി ഉദ്ഘാടനം ചെയ്യും. ജില്ലാ ആസൂത്രണ സമിതി ഹാളിൽ നടക്കുന്ന ചടങ്ങിൽ ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി ചെയർ പേഴ്സൺ പി.കെ. അസ്ലു അധ്യക്ഷത വഹിക്കും. വായനാ പക്ഷാചരണത്തിന്റെ ഭാഗമായി ജില്ലാ സാക്ഷരതാ മിഷൻ തുല്യതാ പഠിതാക്കൾക്ക് വേണ്ടി നടത്തിയ കത്തെഴുത്ത് മത്സരത്തിലെ വിജയികൾക്ക് ജില്ലാ കളക്ടർ ഡോ. വിനയ് ഗോയൽ സർട്ടിഫിക്കറ്റ് വിതരണം ചെയ്യും. പ്രിയദർശിനി കോളേജ് മലയാള വിഭാഗം മേധാവി ഷെർമ്മിള ഷെറിൻ മധുരം മലയാളം എന്ന വിഷയത്തിൽ ക്ലാസ്സെടുക്കും.വിവിധ വകുപ്പ് മേധാവികൾ, സാക്ഷരത പ്രേരക്മാർ, തുല്യത പഠിതാക്കൾ, വിവിധ കോളേജുകളിൽ നിന്നുള്ള എൻ.എസ്.എസ് വിദ്യാർത്ഥികൾ എന്നിവർ പങ്കെടുക്കും.