*വിദ്യാർത്ഥികൾക്ക് നിയമ ബോധവത്ക്കരണ ക്ലാസ് സംഘടിപ്പിച്ചു*

സുൽത്താൻ ബത്തേരി ഗവ. സർവജന ഹയർ സെക്കൻഡറി സ്കൂളിൽ ഒന്നാം വർഷ വിദ്യാർത്ഥികളുടെ ഇൻഡക്ഷൻ പ്രോഗ്രാമിന്റെ ഭാഗമായി നിയമ ബോധവത്ക്കരണ ക്ലാസ് സംഘടിപ്പിച്ചു. സ്കൂളിലെ എൻ.എസ്.എസ് യൂണിറ്റിന്റെ ആഭിമുഖ്യത്തിൽ താലൂക്ക് ലീഗൽ സർവീസ് സൊസൈറ്റിയുമായി സഹകരിച്ചാണ് പരിപാടി നടത്തിയത്. കൽപ്പറ്റ ബാറിലെ അഭിഭാഷക അഡ്വ. എ.വി പ്രസന്ന ക്ലാസിന് നേതൃത്വം നൽകി. കൗമാര പ്രായക്കാരായ വിദ്യാർത്ഥികൾ നേരിടുന്ന വെല്ലുവിളികൾ, കുട്ടികൾക്ക് ഇന്ത്യൻ നിയമവ്യവസ്ഥ ഉറപ്പുനൽകുന്ന വിവിധ നിയമ പരിരക്ഷകൾ തുടങ്ങിയ പ്രധാന വിഷയങ്ങൾ ക്ലാസിൽ ചർച്ച ചെയ്തു. പ്രിൻസിപ്പൽ പി.എ. അബ്ദുൾനാസർ, ലീഗൽ സർവീസ് സൊസൈറ്റി കോ-ഓർഡിനേറ്റർ മുഹമ്മദ് അബ്ദുറഹ്മാൻ, എൻ.എസ്.എസ്. പ്രോഗ്രാം കോ-ഓർഡിനേറ്റർ വി.കെ സുനിൽകുമാർ, സൗഹൃദ ക്ലബ്ബ് കോ-ഓർഡിനേറ്റർ പി.ജി ഷാനി എന്നിവർ പങ്കെടുത്തു.