അറിയിപ്പുകൾ

സൗജന്യ സ്റ്റെനോഗ്രാഫി പരിശീലനം: അപേക്ഷ ക്ഷണിച്ചു

എംപ്ലോയ്‌മെന്റ് വകുപ്പിന് കീഴിൽ പ്രവർത്തിക്കുന്ന കോച്ചിംഗ് കം ഗൈഡൻസ് സെന്റർ ഫോർ എസ് സി/ എസ് ടി സൗജന്യ സ്റ്റെനോഗ്രാഫി ആൻഡ് വേർഡ് പ്രോസസ്സിംഗ് പരിശീലം സംഘടിപ്പിക്കും.  10 മാസം ദൈർഘ്യമുള്ള പരിശീലനം ജൂൺ അവസാന വാരത്തോടെ തൃപ്പൂണിത്തുറ മിനി സിവിൽ സ്റ്റേഷനിലെ സി.ജി.സി ഓഫീസിൽ ആരംഭിക്കും.

​

എറണാകുളം, കോട്ടയം, ഇടുക്കി, തൃശ്ശൂർ എന്നീ ജില്ലകളിലെ എംപ്ലോയ്‌മെന്റ് എക്സ്ചേഞ്ചുകളിൽ പേര് രജിസ്റ്റർ ചെയ്തിട്ടുള്ള എസ്‌.എസ്‌.എൽ.സി പാസ്സായ പട്ടികജാതി/പട്ടികവർഗ്ഗ വിഭാഗത്തിൽപ്പെട്ട ഉദ്യോഗാർത്ഥികൾക്കാണ് അപേക്ഷിക്കാം. പ്രായപരിധി 18 നും 41 നും മധ്യേ. പരിശീലന കാലയളവിൽ നിയമാനുസൃത സ്റ്റൈപ്പന്റും സൗജന്യ പഠനോപകരണങ്ങളും ലഭിക്കും. ആകെ 20 സീറ്റുകളാണുള്ളത്.

​താത്പര്യമുള്ള ഉദ്യോഗാർത്ഥികൾ ബയോഡേറ്റ cgcekm.emp.lbr@kerala.gov.in എന്ന ഇ-മെയിൽ വിലാസത്തിലേക്ക് അയക്കേണ്ടതാണ്. കൂടുതൽ വിവരങ്ങൾക്ക് 0484-2312944 എന്ന നമ്പറിൽ ബന്ധപ്പെടുക.