Post Category
ക്വാറികളുടെയും ക്രഷര് യൂണിറ്റുകളുടെയും പ്രവര്ത്തനം ഓഗസ്റ്റ് 10 വരെ നിരോധിച്ചു
മണ്ണിടിച്ചില്, ഉരുള്പൊട്ടല് തുടങ്ങിയ ദുരന്ത സാധ്യത ഒഴിവാക്കുന്നതിന് ജില്ലയിലെ എല്ലാ ക്വാറികളുടെയും ക്രഷര് യൂണിറ്റുകളെയും പ്രവര്ത്തനം ഓഗസ്റ്റ് 10 വരെ നിരോധിച്ചതായി ജില്ല കലക്ടര് എ നിസാമുദ്ദീന് അറിയിച്ചു. മലയോരത്തു നിന്നും മണ്ണ് വെട്ടിമാറ്റുക, ആഴത്തിലുള്ള കുഴികള് നിര്മിക്കുക, നിര്മാണത്തിനായി ആഴത്തില് മണ്ണ് മാറ്റുക എന്നീ പ്രവര്ത്തനങ്ങളും നിരോധിച്ചു. ക്വാറികളുടെയും ക്രഷര് യൂണിറ്റുകളുടെയും പ്രവര്ത്തനം മണ്ണിടിച്ചില്, ഉരുള്പൊട്ടല് എന്നിവയ്ക്ക് കാരണമാകാന് സാധ്യതയുണ്ട്. നിര്ദേശം ലംഘിക്കുന്നവര്ക്കെതിരെ ദുരന്ത നിവാരണ നിയമം പ്രകാരം കര്ശന നടപടി സ്വീകരിക്കും. ഇത്തരത്തിലുള്ള ഏതു ലംഘനവും ശ്രദ്ധയില്പ്പെട്ടാല് പൊതുജനങ്ങള് ഉള്പ്പടെ ആര്ക്കും അതാത് താലൂക്കുകളിലെ കണ്ട്രോള് റൂമുകളില് പരാതിപ്പെടാം.
date
- Log in to post comments