നെഹ്റു ട്രോഫി നിറച്ചാര്ത്ത് മത്സരം 16 ന്
ആഗസ്റ്റ് 22ന് പുന്നമടക്കായലില് നടക്കുന്ന നെഹ്റു ട്രോഫി വള്ളംകളിയുടെ ഭാഗമായി പബ്ലിസിറ്റി കമ്മിറ്റി വിദ്യാര്ഥികള്ക്കായി സംഘടിപ്പിക്കുന്ന 'നിറച്ചാര്ത്ത്' മത്സരം ആഗസ്റ്റ് 16 ന് ഞായറാഴ്ച്ച ഉച്ചക്ക് രണ്ട് മണിക്ക് ആലപ്പുഴ ലിയോ തേർട്ടീന്ത് ഹയർസെക്കൻഡറി സ്കൂള് ഓഡിറ്റോറിയത്തില് നടക്കും. ജില്ലാ കളക്ടർ ഷാജി വി നായർ ഉദ്ഘാടനം ചെയ്യും. നഗരസഭ ചെയര്പെഴ്സണ് മോളി ജേക്കബ് അധ്യക്ഷത വഹിക്കും. മറ്റു ജനപ്രതിനിധികള് പങ്കെടുക്കും.
എല്പി സ്കൂള് വിദ്യാര്ഥികള്ക്ക് കളറിംഗ് മത്സരവും യു പി, ഹൈസ്കൂള് വിദ്യാര്ഥികള്ക്ക് ചിത്രരചന(പെയിന്റിംഗ്) മത്സരവുമാണ് നടത്തുക. ക്രയോണ്, പേസ്റ്റല്സ്, ജലച്ചായം, പോസ്റ്റര് കളര് എന്നിങ്ങനെ ഏതു മാധ്യമവും ഉപയോഗിക്കാം. ഓയില് പെയിന്റ് ഉപയോഗിക്കാന് പാടില്ല. എല്ലാ വിഭാഗത്തിലും ആദ്യ മൂന്നു സ്ഥാനങ്ങള് നേടുന്നവര്ക്ക് സര്ട്ടിഫിക്കറ്റും ട്രോഫിയും നല്കും.
കളറിംഗ് മത്സരത്തില് ജില്ലയിലെ എല് പി സ്കൂള് വിദ്യാര്ഥികള്ക്ക് പങ്കെടുക്കാം. നിറം നല്കാനുള്ള രേഖാചിത്രം സംഘാടകര് നല്കും. മറ്റ് സാമഗ്രികള് മത്സരാര്ഥികള് കൊണ്ടുവരണം. ഒന്നര മണിക്കൂറാണ് മത്സര സമയം. ചിത്രരചന (പെയിന്റിംഗ്) മത്സരത്തില് രണ്ടു വിഭാഗങ്ങളിലായി ജില്ലയിലെ യു.പി, ഹൈസ്കൂള് വിദ്യാര്ഥികള്ക്ക് പങ്കെടുക്കാം. വരയ്ക്കാനുള്ള പേപ്പര് സംഘാടകര് നല്കും. മറ്റ് സാമഗ്രികള് മത്സരാര്ഥികള് കൊണ്ടുവരണം. ഇവര്ക്ക് രണ്ടു മണിക്കൂറാണ് മത്സരസമയം. പബ്ലിസിറ്റി കമ്മറ്റിയാണ് മത്സരം സംഘടിപ്പിക്കുന്നത്. ഉച്ചക്ക് ഒരു മണിക്ക് രജിസ്ട്രേഷൻ ആരംഭിക്കും. സമ്മാനം സ്വീകരിക്കാനെത്തുമ്പോള് വിദ്യാര്ത്ഥിയാണെന്നുള്ള സ്കൂള് അധികാരിയുടെ സാക്ഷ്യപത്രമോ ഐഡന്റിറ്റി കാര്ഡോ ഹാജരാക്കണം. കൂടുതൽ വിവരങ്ങള്ക്ക് ഫോണ്: 0477 2251349.
- Log in to post comments