സ്വാതന്ത്ര്യദിനാഘോഷം: മന്ത്രി എം. ലിജു ദേശീയ പതാക ഉയര്‍ത്തും

രാജ്യത്തിന്റെ എമ്പതാമത് സ്വാതന്ത്ര്യ ദിനാഘോഷത്തിന്റെ ഭാഗമായി ശനിയാഴ്ച (ഓഗസ്റ്റ് 15)
ആലപ്പുഴ ബീച്ചിലെ റിക്രിയേഷന്‍ ഗ്രൗണ്ടിൽ  നടക്കുന്ന ജില്ലാതല ആഘോഷത്തില്‍ രാവിലെ ഒമ്പതിന് എക്സൈസ്-സഹകരണ വകുപ്പുമന്ത്രി എം.ലിജു ദേശീയപതാക ഉയര്‍ത്തും.   
പരേഡില്‍ പൊലീസ്, എക്‌സൈസ്, എന്‍സിസിയുടെ വിവിധ വിഭാഗങ്ങള്‍, സ്‌കൗട്ട്‌സ് ആന്‍ഡ് ഗൈഡ്‌സ്, റെഡ്‌ക്രോസ്, എസ് പിസി തുടങ്ങിയ വിഭാഗങ്ങളുടെ 13 പ്ലാറ്റൂണുകള്‍ അണിനിരക്കും.
രാവിലെ 8.40 ന് പരേഡ് ബേസ് ലൈനില്‍ അണിനിരക്കും. 8.45 ന് പരേഡ് കമാന്‍ഡര്‍ ചുമതലയേല്‍ക്കും. 8.53 ന് ജില്ലാ പൊലീസ് മേധാവിയും 8.55 ന് ജില്ലാ കളക്ടറും അഭിവാദ്യം സ്വീകരിക്കും. 8.59 ന് മന്ത്രി എം.ലിജു പരേഡിന്‍റെ അഭിവാദ്യം സ്വീകരിക്കും. തുടര്‍ന്ന് 9 മണിക്ക് മന്ത്രി ദേശീയപതാക ഉയര്‍ത്തിയ ശേഷം സ്വാതന്ത്ര്യദിന സന്ദേശം നല്‍കും. 
ലജ്നത്തുല്‍ മുഹമ്മദിയ എച്ച് എസ്, കാളാത്ത് ലിയോ തേർട്ടീന്ത് സ്കൂൾ, തുമ്പോളി മാതാ സീനിയര്‍ സെക്കന്‍ഡറി സ്കൂള്‍, മോണിങ് സ്റ്റാര്‍ ഇംഗ്ലീഷ് മീഡിയം സ്കൂള്‍, പുന്നപ്ര ഡോക്ടർ അംബേദ്കർ മെമ്മോറിയൽ
 ഗവ. മോഡല്‍ റെസിഡന്‍ഷ്യല്‍ എച്ച് എസ് എസ് , ഇരവുകാട് ടെമ്പിൾ ഓഫ് ഇംഗ്ലീഷ് സ്കൂൾ
എന്നിവിടങ്ങളിലെ ബാന്‍ഡ് സംഘങ്ങള്‍ പരേഡിന് താളമേകും.