*മണ്ണ് പരിശോധന ക്യാമ്പയിനും സെമിനാറും 17ന്*

മണ്ണ് പര്യവേക്ഷണ മണ്ണ് സംരക്ഷണ വകുപ്പിന്റെയും കൃഷി വകുപ്പിന്റെയും നേതൃത്വത്തിൽ സുൽത്താൻ ബത്തേരി ബ്ലോക്കിൽ മണ്ണ് പരിശോധന ക്യാമ്പയിനും കാർഷിക വിജ്ഞാന ബോധവത്കരണ സെമിനാറും സംഘടിപ്പിക്കുന്നു. ഒക്ടോബർ 17 ന് രാവിലെ 10ന് സുൽത്താൻ ബത്തേരി മിനി സിവിൽ സ്റ്റേഷൻ ഹാളിൽ നടക്കുന്ന 'മണ്ണറിവ് 2026' ബ്ലോക്ക് പഞ്ചായത്ത് പ്രസിഡന്റ് പ്രസന്ന ശശീന്ദ്രൻ ഉദ്ഘാടനം ചെയ്യും. വൈസ് പ്രസിഡന്റ് ടി. അവറാൻ അധ്യക്ഷത വഹിക്കും. രാവിലെ 9.30ന് രജിസ്ട്രേഷൻ ആരംഭിക്കും. സെമിനാറിൽ പങ്കെടുക്കുന്ന കർഷകരുടെ മണ്ണ് സാമ്പിളുകൾ അന്നേദിവസം സൗജന്യമായി പരിശോധിച്ച് ഫലം ലഭ്യമാക്കുന്നതിനുള്ള സൗകര്യവും ഒരുക്കിയിട്ടുണ്ട്.