ഡാക് അദാലത്ത് നവംബർ രണ്ടിന്

തിരുവനന്തപുരം ആർഎംഎസ് ഡിവിഷന്റെ പരിധിയിൽപ്പെടുന്ന തപാൽ സേവനങ്ങളെ സംബന്ധിച്ച പരാതികളും നിർദ്ദേശങ്ങളും പരിഗണിക്കുന്നതിനായി 'ഡാക് അദാലത്ത്' നവംബർ രണ്ടിന് രാവിലെ 11ന് ഗൂഗിൾ മീറ്റ് വഴി നടത്തും. പരാതികളും നിർദ്ദേശങ്ങളും, പരാതിക്കാരന്റെ ഇ-മെയിൽ ഐ ഡി / വാട്‌സ്ആപ്പ് നമ്പർ സഹിതം നവംബർ ഒന്നിന് വൈകുന്നേരം അഞ്ചിനകം ഇ-മെയിൽ മുഖേന ലഭ്യമാക്കണം. ഗൂഗിൾ മീറ്റ് പങ്കെടുക്കാനുള്ള ലിങ്ക് പരാതിക്കാരന് മൊബൈൽ / ഇമെയിൽ വഴി കൈമാറും.  ഇ-മെയിൽ: ssrmtv.keralapost@gmail.com / rmsdotv.kl@indiapost.gov.in .

പി.എൻ.എക്‌സ്. 4572/2026