ജില്ലാ ഭക്ഷ്യ പരിശോധനാ ലബോറട്ടറി സ്ഥാപകദിനാഘോഷം ഇന്ന് (നവംബര്‍ നാല്)

പത്തനംതിട്ട ജില്ലാ ഭക്ഷ്യ പരിശോധനാ ലബോറട്ടറിയുടെ സ്ഥാപകദിനാഘോഷം ഇന്ന് (നവംബര്‍ നാല്) രാവിലെ 10 ന് ജില്ലാ കലക്ടര്‍ എ നിസാമുദ്ദീന്‍ ഉദ്ഘാടനം ചെയ്യും. പത്തനംതിട്ട ഫുഡ് സേഫ്റ്റി അസിസ്റ്റന്റ് കമ്മീഷണര്‍ സുജിത് പെരേര അധ്യക്ഷനാകും. പരിപാടിയുടെ ഭാഗമായി പൊതുജനങ്ങള്‍ക്കായി സൗജന്യ പ്രാഥമിക ജലഗുണനിലവാര പരിശോധനയും ഏകദിന സെമിനാറും സംഘടിപ്പിക്കും. സെമിനാറില്‍ കാതോലിക്കേറ്റ് കോളജിലെ  കെമിസ്ട്രി, ബോട്ടണി, സുവോളജി എം.എസ്.സി വിദ്യാര്‍ഥികള്‍ പങ്കെടുക്കും.