ഷഡ്കാല ഗോവിന്ദമാരാര്‍ സംഗീതോത്സവത്തില്‍ സോപാനസംഗീതം അവതരിപ്പിക്കാന്‍ അവസരം

കേരള സംഗീത നാടക അക്കാദമി ഷഡ്കാല ഗോവിന്ദമാരാര്‍ സ്മാരക കലാസമിതിയുടെ സഹകരണത്തോടെ നവംബര്‍ 14, 15 തീയതികളില്‍ എറണാകുളം രാമമംഗലത്ത് നടത്തുന്ന ഷഡ്കാല ഗോവിന്ദമാരാര്‍ സംഗീതോത്സവത്തില്‍ സംഗീതാര്‍ച്ചനയായി സോപാനസംഗീതം അവതരിപ്പിക്കാന്‍ അവസരം. 15-നും 45-നും ഇടയില്‍ പ്രായമുള്ള, സോപാനസംഗീതത്തില്‍ പ്രാവീണ്യമുള്ളവര്‍ക്ക് അപേക്ഷിക്കാം. താല്പര്യമുള്ളവര്‍ വിശദമായ ബയോഡാറ്റയും ഫോട്ടോയും സഹിതമുള്ള സ്വയം തയ്യാറാക്കിയ അപേക്ഷ ഷഡ്കാല ഗോവിന്ദമാരാര്‍ സ്മാരക കലാസമിതിയില്‍ നവംബര്‍  ഏഴിന്  വൈകുന്നേരം  അഞ്ചുമണിക്ക് മുന്‍പായി സമര്‍പ്പിക്കണം. നേരിട്ടോ, തപാല്‍/കൊറിയര്‍ മുഖേനയോ മാത്രമേ അപേക്ഷ സ്വീകരിക്കുകയുള്ളൂ. അപേക്ഷ സമര്‍പ്പിക്കേണ്ട വിലാസം: സെക്രട്ടറി, ഷഡ്കാല ഗോവിന്ദമാരാര്‍ സ്മാരക കലാസമിതി, രാമമംഗലം, എറണാകുളം ജില്ല, പിന്‍ - 686663.