അപേക്ഷ ക്ഷണിച്ചു

കേരള സർക്കാരിന്റെ ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണൽ സ്കിൽ അക്വിസിഷൻ പ്രോഗ്രാം (അസാപ് കേരള), 'ന്യൂട്രീഷൻ ആൻഡ് ഡയറ്ററ്റിക്സ്' ഓൺലൈൻ കോഴ്സിലേക്ക് അപേക്ഷ ക്ഷണിച്ചു.
ആരോഗ്യകരമായ ജീവിതശൈലി, സമീകൃതാഹാരം, പോഷകാഹാരത്തിന്റെ അടിസ്ഥാന തത്വങ്ങൾ എന്നിവയിൽ അറിവ് നേടാൻ ഈ കോഴ്സ് സഹായിക്കും. വിവിധ പ്രായവിഭാഗങ്ങൾക്കാവശ്യമായ പോഷകാഹാരക്രമങ്ങൾ, വിവിധ പോഷകഘടകങ്ങളുടെ പ്രാധാന്യം, ആരോഗ്യസംരക്ഷണം തുടങ്ങിയ വിഷയങ്ങളും പഠനത്തിന്റെ ഭാഗമാണ്.
 ഓൺലൈനായി 150 മണിക്കൂർ ദൈർഘ്യത്തിലാണ് കോഴ്സ് ക്രമീകരിച്ചിട്ടുള്ളത്.
കോഴ്സ് ഫീസ് 5,600 രൂപ. കൂടുതൽ വിവരങ്ങൾക്കും പ്രവേശനത്തിനുമായി
+91 94959 99721, +91 95440 71284 എന്ന നമ്പറിൽ ബന്ധപ്പെടാം.