ചിത്ര-ശില്പ കലാകാരന്മാര്‍ക്ക് ഇന്‍ഷുറന്‍സ്  

    ചിത്ര-ശില്പ കലാ രംഗത്ത് പ്രവര്‍ത്തിക്കുന്ന 18നും 50നും ഇടയില്‍ പ്രായമുള്ളവര്‍ക്ക്    കേരള ലളിതകലാ അക്കാദമി ഇന്‍ഷുറന്‍സ് പരിരക്ഷ ഏര്‍പ്പെടുത്തും  അക്കാദമിയുടെ തിരിച്ചറിയല്‍ കാര്‍ഡ് ഇല്ലാത്തവര്‍ക്കും  അപേക്ഷിക്കാം. ആദ്യഘട്ടത്തില്‍ 500 കലാകാരന്മാരെയാണ്  പരിഗണിക്കുക.   കലാരംഗത്ത് പ്രവര്‍ത്തിക്കുന്നതിന്‍റെ രേഖകള്‍,  ബയോഡാറ്റ, ആധാറിന്‍റെ പകര്‍പ്പ്, വയസ്സ് തെളിയിക്കുന്ന രേഖ, ബാങ്ക് അക്കൗണ്ട് (ഐ.എഫ്.എസ്.സി കോഡ് സഹിതം) പാസ്ബുക്കിന്‍റെ ആദ്യപേജിന്‍റെ പകര്‍പ്പ്,   ജാതി തെളിയിക്കുന്ന രേഖ എന്നിവ സഹിതം  2018 ജനുവരി അഞ്ചിനകം 10 രൂപ ഫീസ് അടച്ച് രജിസ്റ്റര്‍ ചെയ്യണം.  സര്‍ക്കാര്‍ - അര്‍ദ്ധസര്‍ക്കാര്‍ സ്ഥാപനങ്ങളില്‍ ജോലി ചെയ്യുന്നവരും മുമ്പ് അപേക്ഷിച്ചവരും അപേക്ഷി
ക്കേണ്ടതില്ല.
    അപേക്ഷാ ഫോം  lalithkala.org യിലും അക്കാദമി ഗ്യാലറികളിലും ലഭിക്കും. തപാലില്‍ ആവശ്യമുള്ളവര്‍ സെക്രട്ടറി, കേരളലളിതകലാ അക്കാദമി, തൃശൂര്‍ - 20 വിലാസത്തില്‍ സ്റ്റാമ്പ് ഒട്ടിച്ച കവര്‍ സഹിതം അപേക്ഷിക്കണമെന്ന് സെക്രട്ടറി അറിയിച്ചു