15 തദ്ദേശ വാര്‍ഡുകളില്‍ ഉപതെരഞ്ഞെടുപ്പ് വോട്ടര്‍പട്ടികയില്‍ ഇന്നു കൂടി പേരു ചേര്‍ക്കാം

എട്ട് ജില്ലകളിലെ 15 തദ്ദേശ സ്വയംഭരണ വാര്‍ഡുകളില്‍ വോട്ടര്‍ പട്ടികയിലുള്ള ഉള്‍ക്കുറിപ്പുകള്‍ തിരുത്തുന്നതിനും പേര് ഉള്‍പ്പെടുത്തുന്നതിനും ഇന്ന്   (13.12.17) കൂടെ അവസരമുണ്ടായിരിക്കുമെന്ന്  സംസ്ഥാന തെരഞ്ഞെടുപ്പു കമ്മീഷന്‍ അറിയിച്ചു.  തിരുവനന്തപുരം,കൊല്ലം,കോട്ടയം,ഇടുക്കി,പാലക്കാട്,മലപ്പുറം ജില്ലകളിലെ 12 ഗ്രാമപഞ്ചായത്ത് വാര്‍ഡുകളിലും എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും പൊന്നാനി നഗരസഭയിലെ അഴീക്കല്‍ വാര്‍ഡിലും കാസര്‍ഗോഡ് കാറഡുക്ക ബ്ലോക്ക് പഞ്ചായത്തിലെ ബേഡകം വാര്‍ഡിലുമുള്ള വോട്ടര്‍ പട്ടികയിലാണ് പേരുചേര്‍ക്കാന്‍ അവസരമുള്ളത്.

അപേക്ഷകള്‍ 13ന് ഓണ്‍ ലൈനായി (ംംം.ഹഴെലഹലരശേീി.സലൃമഹമ.ഴീ്.ശി) സമര്‍പ്പിക്കാം. പേര് ഉള്‍പ്പെടുത്തുന്നതിന് (ഫാറം4) ഉള്‍ക്കുറിപ്പുകള്‍  തിരുത്തുന്നതിന് (ഫാറം6) സ്ഥാനമാറ്റത്തിന് ഫാറം7 മാണ് ഉപയോഗിക്കേണ്ടത്.  പേര് ഒഴിവാക്കുന്നതിന് (ഫാറം 5, 8) നേരിട്ട് അപേക്ഷിക്കേണ്ടതാണ്. വോട്ടര്‍പട്ടികയില്‍ പേരു ചേര്‍ക്കുന്നതിനുളള യോഗ്യതാ തീയതിയായ 2017 ജനുവരി ഒന്നിനോ അതിനുമുമ്പോ അപേക്ഷകര്‍ക്ക് 18 വയസ് തികഞ്ഞിരിക്കണം. അവകാശവാദങ്ങളി•േല്‍ തീര്‍പ്പുകല്‍പ്പിച്ച് ഡിസംബര്‍ 21ന് അപ്‌ഡേഷന്‍ പൂര്‍ത്തിയാക്കി 22ന് അന്തിമപട്ടികയുടെ സപ്ലിമെന്ററിയായി  മാറ്റങ്ങള്‍ പ്രസിദ്ധീകരിക്കാനും കമ്മീഷന്‍ നിര്‍ദ്ദേശം നല്‍കിയിട്ടുണ്ട്.
    
വോട്ടര്‍പട്ടിക പുതുക്കുന്ന ജില്ല, ഗ്രാമപഞ്ചായത്ത് , വാര്‍ഡ് എന്ന ക്രമത്തില്‍. തിരുവനന്തപുരം-ആര്യങ്കോട്- മൈലച്ചല്‍, നഗരൂര്‍-നഗരൂര്‍, കൊല്ലം-പടിഞ്ഞാറേ കല്ലട- വിളന്തറ, നെടുവത്തൂര്‍- തെക്കുംപുറം, കൊറ്റങ്കര-മാമ്പുഴ, കോട്ടയം- വാകത്താനം- മരങ്ങാട്, ഇടുക്കി- കൊന്നത്തടി- മുനിയറ സൗത്ത്, പാലക്കാട്- കടമ്പഴിപ്പുറം- കോണിക്കഴി, വടക്കന്‍ഞ്ചേരി- മിച്ചാരംകോട്, മലപ്പുറം- പോത്തുകല്ല്- ഞെട്ടികുളം, തിരുവാലി- എ.കെ.ജി നഗര്‍, എടയൂര്‍- തിണ്ടലം

എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും, മലപ്പുറം പൊന്നാനി നഗരസഭയിലെ അഴീക്കല്‍, കാസര്‍ഗോഡ് കാറഡുക്ക ബ്ലോക്ക് പഞ്ചായത്ത്(ബേഡകം വാര്‍ഡ്) ബേഡഡുക്ക ഗ്രാമപഞ്ചായത്തിലെ 7, 8, 9, 10, 11, 12  വാര്‍ഡുകള്‍, മൂളിയാര്‍ ഗ്രാമപഞ്ചായത്തിലെ 8-ാം വാര്‍ഡ്.