ക്ഷീരവികസന പദ്ധതികൾക്ക് ധനസഹായം

കാക്കനാട്: ക്ഷീര വികസന വകുപ്പ് ജില്ലാ വാർഷിക പദ്ധതി പ്രകാരം തീറ്റപ്പുൽകൃഷി, മിൽക്ക് ഷെഡ് ഡെവലപ്മെന്റ് പദ്ധതികൾക്കു കീഴിലുള്ള  വിവിധ ക്ഷീര വികസന പദ്ധതികളിൽ ധനസഹായം ലഭിക്കാൻ അപേക്ഷിക്കാം.  തീറ്റപ്പുൽകൃഷി, അസോളകൃഷി, ഒരു പശു യൂണിറ്റ്, രണ്ട് പശു യൂണിറ്റ്, അഞ്ച് പശു യൂണിറ്റ്, പത്ത് പശു യൂണിറ്റ്, അഞ്ച് കിടാരി യൂണിറ്റ്, പത്ത് കിടാരി യൂണിറ്റ് എന്നിവക്കാണ് ധനസഹായം.  കറവ യന്ത്രം വാങ്ങുന്നതിനും നിലവിലെ ഡയറി യൂണിറ്റുകൾക്കുള്ള ധനസഹായത്തിനും അപേക്ഷിക്കാം.  നിശ്ചിത മാതൃകയിലുള്ള അപേക്ഷ ജൂൺ 20 നകം പ്രദേശത്തെ ക്ഷീര സഹകരണ സംഘങ്ങളിലോ ബ്ലോക്ക് ക്ഷീരവികസന യൂണിറ്റി ലോ സമർപ്പിക്കണം