സ്ഥാനാർത്ഥിയുടെ കയ്യിൽ 1210 രൂപ;ഭാര്യയുടെ പക്കൽ 635 രൂപ

ആലപ്പുഴ: അരൂർ ഉപതെരഞ്ഞെടുപ്പിൽ എൽ.ഡി.എഫ്. സ്ഥാനാർത്ഥിയായി നാമനിർദ്ദേശ പത്രിക സമർപ്പിച്ച മനു സി. പുളിക്കലിന്റെ കയ്യിലുള്ളത് 1210രൂപ. ഭാര്യ റോഷൻ തോമസിന്റെ കയ്യിൽ 635 രൂപയും രണ്ടാം ആശ്രിതയായ മാതാവ് ആലീസ് സിറിയക്കിന്റെ കയ്യിൽ 1500 രൂപയുമുണ്ട്.

സ്ഥാനാർത്ഥിക്ക് 597168.74രൂപയുടെയും ഭാര്യക്ക് 1637972.80 രൂപയുടെയും ആസ്തിയുണ്ട്. ഒന്നാമത്തെ ആശ്രിതയുടെ പേരിൽ 35000രൂപയും രണ്ടാമത്തെ ആശ്രിതയുടെ പേരിൽ 351575.17രൂപയുടെ ആസ്തിയുമുണ്ട്.
സ്ഥാനാർത്ഥിക്ക് 315297 രൂപയുടേയും ഭാര്യക്ക് 35000 രൂപയുടെയും ബാധ്യതയുമുണ്ട്. രണ്ടാമത്തെ ആശ്രിതയ്ക്ക് 231606രൂപയുടെ ബാധ്യതയാണുള്ളത്.

സ്ഥാനാർത്ഥിക്ക് പിൻതുടർച്ചയായി കിട്ടിയ ആസ്തി ഇനത്തിൽ 500000രൂപയുടേയും രണ്ടാമത്തെ ആശ്രിതയ്ക്ക് 7066000രൂപയുടേയും ആസ്തിയുണ്ടെന്ന് വരണാധികാരിക്ക് നൽകിയ സത്യവാങ്മൂലത്തിൽ വ്യക്തമാക്കുന്നു.